Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
ЗАТРЫМАНЫ ДЗЬМІТРЫ БАНДАРЭНКА ПЕРАДАЕ З САВЕЦКАГА РАУСУ 11:27, 19/04/2002
Радыё Свабода дазванілася на мабільны тэлефон аднаму з арганізатараў Маршу пратэсту “Так жыць нельга!” – Дзьмітрыю Бандарэнку, якога затрымалі на акцыі. Ён якраз знаходзіўся ў пастарунку Савецкага РАУСуі расказаў нам, што адбываецца - Зараз я знаходжуся ў Савецкім РАУСе Менску, побач са мной Юры Хашчавацкі, які нядаўна вярнуўся з Прагі. Тут таксама арганізатар акцыі Халезін – увогуле тут уцяпер каля 100 чалавек затрыманых. Нас трымаюць у актавай залі, каля паловы затрыманых – непаўнагадовыя.
Калі нас пасадзілі ў аўтобусы на праспэкце, я закрываў галаву ад удараў дубінак – схапілі, кінулі, і больш нічога ня бачыў, чуў толькі, як кідалі туды ж астатніх людзей. Валерыя Шчукіна вельмі жорстка зьібілі і выкінулі з аўтобуса.
Білі й іншых. Я бачыў аднаго хлопца – у яго вельмі кароткія валасы, і на галаве тры плямы ад удару дубінкай. На выгляд ён непаўнагадовы. Тром чалавекам выклікалі хуткую дапамогу, бо ўсіх іх білі дубінкамі па нырках ці па галаве.
А цяпер мы тут бачым вельмі цікавае кіно. Тут зладавалі ў РАУСе гэткую трыбуну, і амонаўцы з двух бакоў пераклікаюцца – кажуць “Па два, па два” – гэта значыць, што на кожнага па два затрыманых. Яны пішуць рапарты і падглядаюць, як гэта рабіць, адзін у аднаго.
!["ЗАТРЫМАНЫ]("/g/allpics/tzn_4.jpg")
!["]("/g/Actions/mp_tzn/03.jpg")
