Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У САВЕЦКІМ РАЎСЕ ЎТРЫМЛІВАЕЦЦА ВЯДОМЫ КІНАРЭЖЫСЭР ЮРЫ ХАШЧАВАЦКІ 11:28, 19/04/2002
Ён толькі што вярнуўся з Прагі, дзе быў у складзе журы Фэстывалю праваабарончага кіно. Вось ягоны камэнтар Радыё Свабода:
- Ну гэта бяспраўе, абсалютнае бяспраўе. На падставе нашых канстытуцыйных правоў мы падалі заяўку на шэсьце і мітынг, нам дазволілі толькі пікет. У нашай краіне ня існуе ні закону, ні маральных асноваў, каб вырашаць гэтыя пытаньні. Мне падаецца, што мы на бочцы пару, і гэтая бочка можа ўзарвацца. Апазыцыя зараз ня мае ніякіх іншых сродкаў, каб абараняць свае інтарэсы, а ўрэшце – інтарэсы кожнага беларуса.
І ўсё гэтае бяспраўе я адчуў на сабе. Нізавошта атрымаў па галаве дубінкаю. І гэтую моладзь, якая села на тратуар, іх расьцягнулі, б’ючы нагамі. Шчукіна ўцягнулі ў аўтобус; калі ён быў яшчэ прытомны, яго ўдарылі кулаком у сківіцу, ён страціў прытомнасьць, а потым яго выкінулі з аўтобусу галавой уніз.
Зараз міліцыянты – гэта нармальныя людзі, яны складаюць пратаколы, усьміхаюцца, а тады яны былі зьвярамі, з зусім зьверскімі вачыма.
!["КІНАРЭЖЫСЭР]("/g/allpics/tzn_3.jpg")
