АРЦІКЛЬ-19: беларускія ўлады абмяжоўваюць свабоду СМІ :: Хартыя'97 :: Навiны

У сваёй штогадовай справаздачы за 2001г. «Механізм рэпрэсіяў: прэзыдэнцкія выбары». АРЦІКЛЬ-19 – міжнародная кампанія за свабоду слова – прапанавала беларускім уладам некалькі рэкамэндацыяў, якія, у выпадку іх ажыцьцяўленьня, дазволілі б сродкам масавай інфармацыі працаваць без уціску збоку уладаў, а таксама забясьпечылі б адпаведнасьць заканадаўчай базы Беларусі яе міжнародным абавязкам. Гэтыя рэкамэндацыі былі ў сваёй большасьці праігнараваныя беларускім урадам.

«Заканадаўчыя акты і законапраекты, прынятыя Рспублікай Беларусь некалькі месяцаў таму, ствараюць дадатковыя перашкоды для функцыянаваньня недзяржаўных СМІ і заявы Беларусі на паўнапраўнае сяброўства ў такіх міжнародных арганізацыях як Рада Эўропы і АБСЭ. Усе прааналізаваныя законы ў гэтай справаздачы сьведчаць пра чарговую спробу беларускіх уладаў абмежаваць свабоду інфармацыі і схаваць урадавых чыноўнікаў ад крытыкі. Больш за тое, сам факт таго, што перш законапраекты па СМІ і інфармацыйнай бясьпецы бялі цалкам неадэкватныя, а зьмены, унесеныя пасьля кансультацыяў зь мясцовымі й міжнароднымі НДА і МДА, апынуліся толькі касмэтычнымі, паказвае, што беларускія ўлады не ўсьведамляюць важкасьці выкананьня імі сваіх абавязанасьцяў па захаваньні правоў чалавека. Дадзеная справаздача мае за мэту дапоўніць папярэднія рэкамэндацыі і ўнесьці канструктыўны унёсак ва ўдасканаленьне заканадаўчае базы, якая рэгулюе свабоду слова на Беларусі. Уладам неабходна прыняць тэрміновыя меры, неабходныя для таго, каб Беларусь магла захоўваць узятыя на сябе міжнародныя абавязацельствы ў сфэры СМІ», - гаворыцца ў высновах справаздачы АРЦІКЛЬ-19.

У сваёй апошняй справаздачы АРЦІКЛЬ-19 таксама прапануе ўвазе беларускіх уладаў свае рэкамэндацыі, сярод якіх адмена практыкі абавязковай рэгістрацыі друкаваных і он-лайнавых СМІ, а таксама вяшчальных кампаніяў, адмена юрыдычных санкцыяў за няправільную інфармацыю, адмена практыкі спыненьня ліцэнзіівыданьня (акрамя выключных выпадкаў), неадкладнае адмаўленьне ад стварэньня сыстэмы інфармацыйнай бясьпекі і іншыя.