Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Вялікабрытанія зьвярнулася да Расеі з просьбай прыняць меры супраць гандляра зброяй, які спакойна жыве ў Маскве, нягледзячы на тое, што яго падазраюць у пастаўках зброі “Талібану”і “Аль-Каідзе”. На нядаўняй сустрэчы з прадстаўнікамі расейскіх уладаў міністар па справах Эўропы Пітэр Хэйн патрабаваў выдаць Віктара Бута – міжнародны ордэр на ягоны арышт ужо выпісаны, - якога абвінавачваюць у тым, што да тэрактаў 11 верасьня ён пастаўляў зброю Аўганістану. Паводле некаторых зьвестак, намесьнік міністра замежных справаў Анатоль Сафонаў даў на гэта станоўчы адказ.
В прошлый понедельник белорусские телезрители во время трансляции очередного государственного совещания смогли в полной мере насладиться отечественным вариантом телеигры «Слабое звено»: «Кто мешает Беларуси выйти из кризиса?! Чья тупость тянет страну вниз?! Кто завалил бюджет?!» - тоном Маши Киселевой вопрошал Лукашенко. И потом - в том же духе: «Остапенко! Вы - самое слабое звено, прощайте. Бамбиза! Вы станете слабым звеном и вылетите в следующем туре через три месяца». Зрители, поди, радовались, как в детстве. Чиновники, как обычно, ерзали в своих тут же взмокших штанах, усиленно делая вид, что глубокомысленно конспектируют всю эту фигню.
У мэдычных колах цяжка сказаць, хто зойме крэсла міністра аховы здароўя. Пасьля скандальнай адстаўкі Ўладзіслава Астапенкі заняць гэтую пасаду ніхто не сьпяшаецца. Кажуць, што некаторыя вядомыя мэдыкі баяцца таго, што ім прапануюць ачоліць дадзенае міністэрства.
Замежныя інвэстыцыі патрэбныя нацыянальнай эканоміцы “як паветра”, заявіў у інтэрвію “Интерфаксу” міністар эканомікі Ўладзімер Шымаў. Паводле ягоных словаў, апошнія гады Беларусь, як ніякая іншая краіна СНД, “падышла да рысы 90-га году”. Аднак, на думку Шымава, дастаткова высокія тэмпы росту ў эканоміцы Беларусі цягам апошняга дзесяцігодзьдзя, а таксама цяперашняя тэхналягічная база й якасныя парамэтры прадукцыі не дазволяць надалей забясьпечваць тэмпы штогодовага прыросту ўнутранага прадукту ў 6-7%. Гэта абумоўлена адсутнасьцю радыкальнага тэхналягічнага перазабесьпячэньня рэальнага сэктара эканомікі за гэты час і высокай ступеняю зношанасьці актыўнай часткі асноўных фондаў, патлумачыў міністар. Размова ідзе аб поўным засваеньні “усіх тых рэзэрваў, якія былі”, канстатаваў ён.
Аляксандар Лукашэнка наведае 15-18 траўня з афіцыйным візытам Туркмэнію. Як паведамілі карэспандэнту РІА “Новости” у панядзелак у амбасадзе Беларусі ў РФ, Менск чакае, што гэта будзе “сильный визит” у пляне пашырэньня гандлёва-эканамічнага супрацоўніцтва паміж двума краінамі. Паволе словаў Лукашэнкі, Расея гатовая падтрымаць супрацоўніцтва паміж Туркмэніяй і Беларусяй, “используя схемы, применяемые во времена Советского Союза, в частности, в поставках природного газа”. У гэтай сувязі беларускі бок мае намер прыцягнуць міжнародную групу кампаніяў “Итера” для аказаньня Беларусі падтрымкі ў супрацоўніцтве з Туркмэніяй, паведаміў беларускі лідэр. Ён заявіў таксама, што лічыць важным абмеркаваць з прэзыдэнтам Туркмэніі шэраг палітычных пытаньняў і міжнародных праблемаў.
Паводле інфармацыі Міністэрства статыстыкі і аналізу Беларусі, на 1 сакавіка (больш апэратыўна такія дадзеныя статыстыкам атрымаць не ўдаецца) аб’ём крэдыторскай запазычнасьці склаў 1 трыльён 8 млрд. 692,9 мільёнаў беларускіх рублёў (604 млн. даляраў ЗША ў пераліку па афіцыйным курсе на той дзень).
Адной з асноўных праблемаў прамысловых прадпрыемстваў Беларусі зьяўляецца адсутнасьць зваротных сродкаў, паведаміў на сустрэчы з журналістамі ў Менску генэральны дырэктар акцыянэрнага таварыства “Белметал” Міхаіл Жалезнаў.
Афіцыйны Менск праяўляе зайздросную ўпартасьць і нібы жадае далучыцца да новай сусьветнай “восі зла” ці да “краінаў-ізгояў”. Інакш цяжка патлумачыць нежартаўлівае імкненьне беларускага кіраўніцтва на арабскі Ўсход. Так, намесьнік кіраўніка адміністрацыі прэзыдэнта Лукашэнкі Леанід Козік заявіў, што супрацоўніцтву Беларусі з Іракам замінае эканамічная блякада Багдаду, і што рэспубліка будзе дабівацца адмены міжнародных санкцыяў.
Вярхоўны камісар ААН па правох чалавека Мэры Робінсан “вельмі занепакоеная сытуацыяй з правамі чалавека ў Беларусі”. Пра гэта, як паведамляе “Интерфакс”, вярхоўны камісар заявіла падчас прэсавай канфэрэнцыі 3 траўня ў Вільні.
Дэлегацыя Парлямэнцкай Асамблеі Рады Эўропы плянуе наведаць Менск 9-12 чэрвеня. Міжнародныя парлямэнтары будуць прымаць удзел у сэмінары “Разьвіцьцё палітычнай сытуацыі ў Беларусі” і адначасова вывучаць сытуацыю ў краіне. Як паведамляе Радыё Свабода, дэлегацыя падрыхтуе для Парлямэнцкай Асамблеі адмысловую справаздачу аб паездцы.
У Менск для правядзеньня 10-га раўнда беларуска-сырыйскіх кансультацыяў на ўзроўні замежнапалітычных ведамстваў сёньня прыбывае намесьнік міністра замежных справаў Сырыі Сіба Насэр. Насэр сустрэнецца зь першым намесьнікам міністра замежных справаў Беларусі Васілём Пугачовым. Плянуецца, што кіраўнік сырыйскай дэлегацыі, візыт якога будзе цягнуцца да 9 траўня, будзе прыняты старшынём “палаты прадстаўнікоў” Вадзімам Паповым і міністрам замежных справаў Міхаілам Хвастовым.
У канцы траўня - у пачатку чэрвеня 2002 году ў Беларусі пройдзе навучаньне Ўзброеных сілаў краіны “Бярэзіна-2002”. Пра гэта заявіў Аляксандар Лукашэнка, які абмеркаваў з кіраўніком Міністэрства абароны Леанідам Мальцавым плян комплекснага апэратыўна-тактычнага навучаньня, у якім будуць прымаць удзел вайсковыя фармаваньні Міністэрства абароны, Міністэрства ўнутрных справаў, Міністэрства па надзвычайных сытуацыях і Дзяржаўнага камітэту памежных войскай Беларусі.
Напярэдадні травеньскіх сьвятаў прэзыдэнт кампаніі “Славнефть” Міхаіл Гуцырыеў адправіўся ў адпачынак і даручыў выконваць свае абавязкі віцэ-прэзыдэнту дзяржкампаніі “Роснефть” Анатолю Бараноўскаму. Менавіта яго міністэрства эканомікі Беларусі вылучыла кандыдатам на пасаду прэзыдэнта “Славнефти”. І нягледзячы на тое, што старшыня ўраду Міхаіл Касьянаў загадаў Міністэрству маёмасных дачыненьяў РФ, уладальніку кантрольнага пакету акцыяў кампаніі, галасаваць за іншага кандыдата - Юры Суханава, у спадара Бараноўскага зьявіўся шанец ачоліць “Славнефть”.
Эўрапейскі Зьвяз выдаткаваў на правядзеньне дэмаркацыйных прац на беларуска-літоўскай мяжы 1 мільён 155 тысячаў эўра. Пра гэта ІА “Росбалт” паведаміў кіраўнік аддзяленьня прадстаўніцтва Эўрапейскай камісіі ў Беларусі Раўль дэ Люзенбэргер. Паводле ягоных словаў, дадзены праект “дапаможа Белаурсі кантраляваць патокі мігрантаў, якія ідуць ня толькі на Захад, але і на Ўсход”. Акрамя таго, Раўль дэ Люзенбэргер выказаў занепакоенасьць у сувязі з адсутнасьцю надзейнага кантролю паміж краінамі, якія ўваходзяць у Садружнасьць Незалежных Дзяржаваў. Аднак, паводле ягоных словаў, дадзеную праблему могуць вырашыць толькі самі члены СНД.
, iнформэр
