Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Старшыня КДБ стаў прэзыдэнтам фэдэрацыі біятлёну 11:04, 01/10/2002
Старшыня КДБ Леанід Ерын абраны прэзыдэнтам Беларускай федэрацыі біятлёну. Як паведамляе БелаПАН, ягонае абраньне на безальтэрнатыўнай аснове адбылося на справаздачна-выбарчай канфэрэнцыі БФБ, якая прайшла ў мінулыя выходныя на базе санаторыя “Лясное” ў Віцебскай вобласьці.
Папярэдні прэзыдэнт – экс-старшыня КДБ, а зараз Надзвычайны і Паўнамоцны амбасадар Беларусі ў Югаславіі Ўладзімер Мацкевіч – узяў самаадвод з тае прычыны, што ён знаходзіцца далёка ад месца працы. Тым не менш, дэлегаты канфэрэнцыі ацанілі ягоную працу на пасадзе прэзыдэнта БФБ станоўча. Уладзімер Мацкевіч атрымаў “партфель” першага віцэ-прэзыдэнта федэрацыі. Аналягічныя абавязкі будуць выконваць Сяргей Булугін, Рыгор Лядаў і Аляксандар Хандогін.
