Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Зь вітальным словам да ўдзельнікаў 4-ай Канфэрэнцыі правацэнтрысцкіх партыяў Цэнтральнай і Ўсходняй Эўропы, што праходзіла ў Празе, дзе прынялі ўдзел прадстаўнікі 15 дзяржаў, зьвярнуўся прэзыдэнт ЗША Джордж Буш. Частку свайго пасланьня амэрыканскі лідэр прысьвяціў сытуацыі ў Беларусі. “У Беларусі выбарчы працэс не зьяўляецца дэмакратычным, а палітычная апазыцыя падвяргаецца перасьледу. Злучаныя Штаты падтрымліваюць рост дэмакратыі ў Беларусі. Я заклікаю вас падтрымаць тых у Беларусі, хто змагаецца за фундамэнтальныя правы й свабоды чалавека”.
Старшыня Аб’яднанай грамадзянскай партыі Анатоль Лябедзька ў сваім камэнтары словы Буша назваў “знакавымі”. Тое, што прэзыдэнт ЗША ў сваім пасланьні асабліва выдзяліў Беларусь, лічыць Лябедзька, абвяргае сьцьвярджэньні скептыкаў аб нібыта расчараваньні міжнароднай супольнасьці ў пэрспэктывах Беларусі. “У цяперашняй сытуацыі, -- цытуе Анатоля Лябедзьку прэсавая служба АГП, --было б лягічным пачуць штосьці падобнае з вуснаў прэзыдэнта Расеі Пуціна”.
