Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У верасьні ў Беларусі адбываўся рост тарыфаў на жыльлёва-камунальныя паслугі для насельніцтва. На 3,3 адсоткі павялічылася квартплата (плата за тэхабслугоўваньне), плата за карыстаньне ліфтам, за вываз і абясшкоджваньне сьмецьця, на столькі сама падаражэлі газ, гарачая і халодная вада.
У абсалютных лічбах для жыхыроў Менску тарыф на халодную ваду й каналізацыю павялічыўся з 123,3 да 127,4 рублі за кубічны мэтар, на газ – з 476 да 491,7 рублі на чалавека. Кошт гігакалёрыі цеплавой энэргіі, якая ідзе на падагрэў вады, павялічылася з 12.417 да 12.827 рублёў. Квартплата (тэхабслугоўваньне) павысілася з 62,38 да 64,44 рублі за квадратны мэтар агульнай плошчы. Плата за карыстаньне ліфтам павялічылася з 793,49 да 819,68, вываз сьмецьця – з 129,75 да 134,04, абясшкоджваньне сьмецьця – з 69, 87 да 72,17 рублі з чалавека.
З пачатку году квартплата павялічылася ў 5,48 разоў (за ўвесь 2001 год – на 38,5 адсоткаў), плата за карыстаньне ліфтам – у 8 разоў (у 1,85). Гарачая вада падаражэла ў 2,36 разы, газ – на 90,1 адсоткі, халодная вада й каналізацыя – на 50,8, вываз сьмецьця – на 50,4, абясшкоджваньне сьмецьця – на 24,6; плата за карыстаньне радыёкропкай павялічылася на 51,4 адсоткі.
, iнформэр
