Лукашэнка не зьбіраецца абараняць Эўропу :: Хартыя'97 :: Навiны

Беларусь у будучым ня здолее забясьпечыць бясьпеку Эўропы ад пасягальніцтваў нелегальных мігрантаў, калі з 1 студзеня наступнага году гэтая выдаткі ня будуць кампэнсаваныя беларускаму боку. Пра гэта, як перадае карэспандэнт РІА “Новости”, заявіў у аўторак Аляксандар Лукашэнка на нарадзе з кіраўніцтвам дзяржаўнага камітэту памежных войск краіны. “Запад от нас хочет получить все, задействовав наши материальные и людские ресурсы, чтобы мы их защищали и обороняли, но для этого Белоруссии ничего не предлагает с точки зрения компенсации затрат, которые мы несем по обеспечению безопасности Европы”, -- сказаў Лукашэнка. Пры гэтым ён падкрэсьліў, што “если западные партнеры и коллеги хотят, чтобы белорусская сторона в этом направлении работала, пусть платят”.

Беларускі лідэр нагадаў, што 5 гадоў таму ён паставіў задачу перад памежным камітэтам краіны дамовіцца з заходнеэўрапейскімі партнёрамі аб кампэнсацыі выдаткаў на затрыманьне нелегальных мігрантаў, якія спрабуюць праз Беларусь трапіць у Польшчу і далей у Эўропу.

Са словаў Лукашэнкі, Беларусь на сёньня ня ў стане забясьпечваць 100-адсоткавае фінансаваньне разьвіцьця памежнай інфраструктуры і робіць ўсё магчымае для стварэньня эфэктоўнага рэжыму дзяржаўнай мяжы, забясьпечвае нармальныя ўмовы для перасоўваньня тавараў і людзей. У гэты працэс, мяркуе Лукашэнка, павінны ўцягвацца зацікаўленыя бакі.