Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Суд зноў адмовіў сваякам ахвяраў трагедыі на Нямізе 11:06, 04/10/2002
У касацыйнай скарзе Ганна Саладкевіч, Ганна Саўко і Сьвятлана Карпека прасілі адмяніць рашэньне Маскоўскага раённага суда сталіцы ад 16 жніўня і прыцягнуць да адказнасьці Менгарвыканкам, упраўленьне ўнутраных справаў, кампанію “Класс-клуб”, завод “Аліварыя”, радыёстанцыю “Мір”, а таксама фізычных асоб Кандраціна і Русака.
На думку заявіцеляў, менавіта з-за нядбайнага выкананьня службовых абавязкаў пералічаных асоб падчас сьвята піва 30 траўня 1999 году на станцыі мэтро “Няміга” загінулі 53 чалвекі.
Спэцыялісты заяўляюць, што трагедыі можна было пазьбегнуць, але ў якасьці апраўдальнай фармулёўкі адказчыкам Маскоўскі суд Менску назваў благое надвор’е і абставіны, непрадугледжаныя нарматыўнымі актамі. Калегія Менскага гарадзкога суда не знайшла падставаў для перагляду справы і пакінула гэтае рашэньне бяз зьменаў.
Такім чынам, паведамляе Радыё Свабода, Менскі гарадзкі суд адмовіўся задаволіць касацыйную заяву другой групы бацькоў, чые дзеці сталі ахвярамі трагедыі 1999 году: на мінулым тыдні незадаволенай засталася аналягічная скарга Ніны Інькавай, Натальлі Навакоўскай і Вольгі Янцавай. Усе шэсьць сямей зараз зьбіраюцца зьвярнуцца ў Вярхоўны суд Беларусі.
, iнформэр
