Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Міхаіл Лявонаў застаецца ў турме да канца году 11:05, 09/10/2002
Пракуратура Беларусі 7 кастрычніка падоўжыла тэрмін сьледзтва і ўтрыманьня пад вартай былога генэральнага дырэктара Менскага трактарнага заводу Міхаіла Лявонава да канца 2002 году.
Былы гендырэктар МТЗ Лявонаў быў затрыманы ў цягніку “Менск-Масква” 6 студзеня 2002 году. Спачатку яго трымалі ў менскім СІЗА на вуліцы Валадарскага, затым адправілі ў Жодзінскае СІЗА, якое вядома жорсткімі ўмовамі ўтрыманьня. Пракуратура краіны кожныя тры месяцы падаўжае тэрмін сьледзтва па дадзенай справе.
Па-ранейшаму Лявонаму інкрымінуецца злоўжываньне ўладай ці службовым становішчам, нанясеньне ўрону прадпрыемству ў асабліва буйным памеры за судзеяньне камэрцыйнай фірме пры заключэньні нявыгаднага кантракту з заводам -- карацей, поўны букет цяжкіх эканамічных злачынстваў.
Пры гэтым за шэсьць гадоў кіраўніцтва Лявонава ў МТЗ інвестыравана каля 230 мільёнаў даляраў, створана новае сямейства трактараў магутнасьцю ад 6 да 30 лашадзіных сілаў, новае пакаленьне машын для лесу, для працы ў камунальнай гаспадарцы, будаўніцтве.
