Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Менск едзе камуністычны лідэр Вьетнаму 11:08, 11/10/2002
Генэральны сакратар Кампартыі Вьетнаму Нонг Дык Мань наведае Беларусь з афіцыйным візытам 13-15 кастрычніка. Як паведамілі ў Міністэрстве замежных справаў, вьетнамскага лідэра будзе прымаць Аляксандар Лукашэнка. Заплянаваныя таксама сустрэчы Нонг Дык Маня з кіраўнікамі “нацыянальнага сходу” Аляксандрам Вайтовічам і Вадзімам Паповым і з першым намесьнікам прэм’ер-міністра Беларусі Сяргеем Сідорскім. Кіраўнік вьетнамскай дэлегацыі наведае Менскі аўтамабільны завод і мэмарыяльны комплекс “Хатынь”.
У час перамоваў плянуецца абмеркаваць пытаньні двухбаковых палітычных зносінаў, узаемадзеяньня ў рамках міжнародных арганізацыяў, актывізацыі супрацоўніцтва ў гандлёва-эканамічнай, навукова-тэхнічнай і іншых сфэрах. Па выніках візыту Генэральнага сакратара Кампартыі Вьетнаму Нонг Дык Маня ў Рэспубліку Беларусь плянуецца прыняцьце сумеснага камюніке.
Дарэчы, сёлета адзначаецца дзясятая гадавіна з моманту ўсталяваньня дыпляматычных зносінаў паміж Беларусяй і Вьетнамам.
