Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Расею задаволіць любы “зразумелы” варыянт інтэграцыі 11:22, 11/10/2002
Расея гатовая разглядаць любы тып інтэграцыі зь Беларусяй. Пра гэта ў пятніцу ў інтэрвію газэце “Обозреватель” заявіў пасол Расеі ў Беларусі Аляксандар Блохін. Паводле ягоных словаў, Расея гатовая інтэгравацца “так быстро и так глубоко, как готова Беларусь”. Кажучы пра варыянты інтэграцыі на аснове ўваходжаньня Беларусі ў склад Расейскай Федэрацыі ці стварэньня накшталт Эўразьвязу, Блохін адзначыў, што Расею задавальняе любы з варыянтаў “этого спектра”, на які будзе згодна Беларусь.
Саюзная дамова “написана достаточно гибко, а потому позволяет заполнить нишу между двумя этими вариантами”, сказаў ён. У той самы час падкрэсьліў, што размова ідзе толькі пра добраахвотнае рашэньне. Аднак, на думку Блохіна, пытаньне зараз у тым, што неабходна ствараць дакладную юрыдычную канструкцыю, “понятную и России, и Беларуси, и всему остальному миру”.
