Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Адвакат Завадзкіх асуджаны да 1,5 гадоў пазбаўленьня волі 11:09, 14/10/2002
Ігар Аксёнчык, адвакат сям’і Зьмітра Завадзкага, засуджаны на 1 год і 6 месяцаў зьняволеньня з прызначэньнем тэрміну выпрабаваньня на два гады. Такое рашэньне вынес учора суд Ленінскага раёну Менску. Згодна прысуду судзьдзі Валянціны Крывой Ігар Аксёнчык асуджаны за распаўсюд у сродках масавай інфармацыі “ілжывых і паклёпніцкіх выдумак адносна генэральнага паркурора Беларусі Віктара Шэймана”. Разгляд “справы Аксёнчыка” праходзіў на закрытым судовым паседжаньні.
Як нагадвае ІА “Росбалт”, апэратар "ОРТ" Зьміцер Завадзкі бясьсьледна зьінк у ліпені 2000 году. У лютым 2002 году Ігар Аксёнчык выступаў прадстаўніком яго маці на судзе над членамі злачыннай групоўкі былога афіцэра спэцпадразьдзелу МУС “Алмаз” Валеры Ігнатовіча. Яны былі прызнаныя судом віноўнымі ў выкраданьні апэратара "ОРТ". Падчас працэсу адвакат заявіў аб датычнасьці да злачынства высокіх дзяржаўных чыноўнікаў Беларусі. У прыватнасьці, на думку Аксёнчыка, у “справе Завадзкага” галоўны падазраваны ў злачынстве - генэральны пракурор Віктар Шэйман.
