Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Многія жыхары памежных з Расеяй Касьцюковіцкага, Крычаўскага й Клімавіцкага раёнаў ужо і забылі, як выглядаюць мясцовыя харчовыя крамы, - усе прадукты набываюць у суседняй дзяржаве і вязуць іх дадому для ўласнага спажываньня й перапродажу.
Мясцовыя ўлады, піша “Советская Белоруссия”, неаднаразова спрабавалі абмежаваць увоз хлеба ад суседзяў, але ніякія забароны ня здолелі прымусіць людзей набываць свой хлеб. Прычына такой перавагі вельмі зразумелая: кожны бохан расейскага каштуе на 140-150 нашых рублёў таньней за беларускі. Дый узяць пад кантроль усе цягнікі з “чаўнакамі” практычна немагчыма. Таму днямі і было вырашана падтрымаць мясцовых вытворцаў іншым чынам – зраўняць кошты на хлеб у памежных раёнах з коштам за блізкай мяжой. Чакаецца, што эканамічны рычаг упраўленьня сытуацыяй на спажывецкім рынку спрацуе і распараджэньне ўладаў застанецца не на паперы, а ажыцьцявіцца. Жыхары Касьцюковіцкага, Крычаўскага й Клімавіцкага раёнаў змогуць набываць 600-грамовы бохан хлеба ці 400-грамовы батон усяго за 350 рублёў. Праўда, такі батон “з двума канцамі”: давядзецца выдаткоўваць дзярждатацыі Магілёўскаму ААТ “Хлебапрадукты” на вытворчасьць мукі.
, iнформэр
