Затрыманы дырэктар Магілёўскага камбінату будматэрыялаў :: Хартыя'97 :: Навiны

У Магілёве супрацоўнікамі праваахоўчых органаў падчас правядзеньня адмысловай аперацыі затрыманы 54-гадовы выконваючы абавязкі дырэктара дзяржаўнага прадпрыемства “Магілёўскі камбінат будаўнічых матэрыялаў” (КСМ). Кіраўнік заводу падазраваны ў вымагальніцтве хабару.

Паводле папярэдняй інфармацыі, перадае БелаПАН, в.а.дырэктара Магілёўскага КСМ папрасіў у аднаго з індывідуальных прадпрымальнікаў узнагароду ў суме 800 даляраў ЗША за афармленьне зьдзелкі па продажу экскаватару на ільготных умовах. Прадпрымальнік зьвярнуўся за дапамогай у міліцыю. Кіраўнік камбінату быў затрыманы ў сваім службовым габінэце пасьля атрыманьня хабару ў памеры 500 даляраў ЗША.

1998-2007 © Хартыя'97.

Паважаныя кaлегi, нагадваем вам, што пад час выкарыстаньня матэрыялаў сайта спасылка на прэсавы цэнтар Хартыi'97 абавязковая.