Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Менск прыбыла ваенная дэлегацыя Вьетнаму 16:47, 16/10/2002
Доўгатэрміновую праграму ваенна-тэхнічнага супрацоўніцтва паміж Беларусяй і Вьетнамам, а таксама пытаньні рэалізацыі пагадненьня паміж урадамі дзьвюх краін аб ваенна-тэхнічным супрацоўніцтве плянуецца абмеркаваць падчас візыту дэлегацыі міністэрства абароны Вьетнаму, якая прыбыла ў Менск у сераду.
Як паведамілі “Медиафакту” ў інфармацыйным аддзеле ВПА і войск СПА Беларусі, праграмай знаходжаньня вьетнамскай дэлегацыі на чале з начальнікам ВПА і СПА Вьетнаму генэрал-маёрам Нгуен Ван Тханам прадугледжана наведваньне навукова-вытворчага аб’яднаньня “Агат”, цэнтральнага каманднага пункту ВПА і войск ВПС Беларусі, 558-га авіярамонтнага заводу ў Баранавічах і 147-ай зянітна-ракетнай брыгады ў Бабруйску. Паводле словаў суразмоўцаў агенцтва, “генэрал-маёр Нгуен ван Тхан зьяўляецца выпускніком менскай Ваеннай інжынернай зянітна-ракетнай вучэльні і добра знаёмы з войскам Савецкага Саюзу”.
, iнформэр
