Аукцыён па продажу “Славнефти” будзе абвешчаны ў лістападзе :: Хартыя'97 :: Навiны

Расейскі фонд федэральнай маёмасьці плянуе аб’явіць аукцыён па продажу 75%-га пакету акцыяў “Славнефти” ў сярэдзіне лістапада. Пра гэта паведаміў старшыня РФФІ Ўладзімер Малін. Паводле ягоных словаў, прыкладна праз 2 тыдня завяршыцца перадпродажная ацэнка пакету акцыяў “Славнефти”. Ацэнку праводзіць “Росэкспертиза” і "Salomon Brothers".

Малін ня выключыў, што аукцыён будзе праводзіцца ў выглядзе электронных таргоў, для чаго спатрэбіцца неабходнае тэхнічнае абсталяваньне. Акрамя таго, ён сказаў, што РФФІ плянуе дабіцца ўнясеньня зьменаў у пастанову ўраду, датычнай правядзеньня таргоў у электронным выглядзе.
Мінмаёмасьці належаць 55,27% акцыяў “Славнефти”, РФФИ - 19,68%. Беларусі належыць 10,83% акцыяў “Славнефти”, ЗАТ “Депозитарно-Клиринговая компания” - 12,98%. У намінальным трыманьні ДКК знаходзіцца пакет акцыяў, які належыць траставай кампаніі, па 25% якой валодаюць ТНК і “Сибнефть”. Траставай кампаніі таксама належаць розныя долі ў кампаніях “Славнефти”.