Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
За атрыманьне дадатковых ведаў давядзецца плаціць 11:15, 18/10/2002
Урад зацьвердзіў сьпіс платных паслуг, якія аказваюць установы адукацыі. У гэтым сьпісе дзесяць пунктаў. Як паведамілі карэспандэнту БЕЛТА ў Міністэрстве адукацыі, у сьпіс уваходзіць падрыхтоўка спэцыялістаў у вышэйшых і сярэдніх навучальных установах, павышэньне кваліфікацыі й перападрыхтоўка спэцыялістаў, акрамя тых, хто навучаецца на бюджэтнай аснове. Платнымі паслугамі зьяўляюцца атрыманьне дадатковай спэцыяльнасьці, а таксама падрыхтоўка па асобных сэртыфікаваных курсах вышэйшай адукацыі звыш навучальнага пляну, дадатковае навучаньне па асобных прадметах, дысцыплінах, курсах.
За плату будзе праводзіцца арганізацыя выніковай атэстацыі для асоб, якія ня здалі дзяржаўныя іспыты ці не абаранілі дыплёмны праект у вызначаныя навучальным плянам тэрміны. Дадатковая падрыхтоўка дзяцей (звыш навучальнага пляну) да навучаньня ў пачатковай школе таксама зараз каштуе грошай. Гэта ж датычыць заняткаў у аб’яднаньнях па інтарэсах, якія праводзяцца ва ўстановах асноўнай і дадатковай адукацыі.
