Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Ліване адкрылася яшчэ адно беларускае прадстаўніцтва 16:45, 18/10/2002, Daily Star
Ганаровы консул Лівану ў Беларусі Эліе Саркіс і ягоная жонка Караліна правялі прыём у гонар адкрыцьця новага прадстаўніцтва Беларусі ў гэтай краіне. Прыём прайшоў у мінулы чацьвер у рэстарацыі “Kasser Assoufra” у горадзе Дбае. У сваёй прамове Саркіс зрабіў кароткі экскурс у найноўшую гісторыю Беларусі і згадаў аб “прагрэсе краіны ў эканамічнай і сацыяльнай сфэрах”. Ён заявіў аб важкасьці новга консульства, якое павінна служыць своеасаблівым мастом, які злучае Беларусь і Ліван.
Амбасадар Беларусі Ўладзімер Лапата-Загорскі ў сваю чаргу адзначыў, што новае прадстаўніцтва зьяўляецца доказам сур’ёзнасьці намераў абедзьвюх краін да пашырэньня супрацоўніцтва і ўзаемаадносінау. Ён дадаў, што Ліван зьяўляецца адным з асноўных партнёраў Беларусі, адкрываючы ёй шлях на блізусходні рынак. Паводле ягоных словаў, Беларусь перакананая ў неабходнасьці двухбаковага супрацоўніцтва і будзе падтрымліваць прамыя дзелавыя кантакты паміж бізнэсоўцамі абедзьвюх дзяржаваў.
