Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларуская апазыцыя прыняла ўдзел у Лісабонскім форуме 16:47, 18/10/2002
17-18 кастрычніка ў Лісабоне праходзіць форум правацэнтрысцкіх партыяў, якія ўваходзяць у Эўрапейскі дэмакратычны зьвяз і Эўрапейскую народную партыю. Сярод удзельнікаў прэм’ер-міністар Францыі Жан-Пьер Рафарын, прэм’ер-міністар Італіі Сільвіа Берлусконі, прэм’ер-міністар Славакіі Мікулаш Дзурында, канцлер Аўстрыі Вольфганг Шусэль, прэм’ер-міністар Венгрыі Віктар Орбан, прэм’ер-міністар Партугаліі Жазэ Мануэль Дзюрао Бароса, прэм’ер-міністар Гішпаніі Хасэ Марыя Азнар і іншыя эўрапейскія палітыкі. Беларусь у Лісабоне прадстаўляе намесьнік Старшыні Аб’яднанай грамадзянскай партыі Аляксандар Дабравольскі.
Як паведамляе прэсавая служба АГП, беларускі палітык праінфармаваў калег аб сытуацыі ў Беларусі, аб рэпрэсіях супраць журналістаў і палітыкаў, аб палітыцы самаізаляцыі, якая праводзіцца беларускімі ўладамі. Вялікую ўвагу ён надзяліў таксама праблеме “гучных справаў”. Паводле словаў Дабравольскага, “правацэнтрысцкія партыі Эўропы маюць намер надзяляць вялікую ўвагу разьвіцьцю сытуацыі ў Беларусі”. Намесьнік старшыні АГП правёў шэраг двухбаковых сустрэч з калегамі зь Літвы, Швэцыі, Аўстрыі, Чэхіі, Фінляндыі, Вялікабрытаніі і іншых краін.
