Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Днямі намесьнік кіраўніка місіі ЗША пры Сталай Радзе АБСЭ Дуглас Дэвідсан выступіў перад Сталай Радай з заявай паводле сытуацыі ў Беларусі. У сваім выступе амэрыканскі дыплямат у чарговы раз закрануў праблемнае пытаньне знаходжаньня ў Менску Кансультатыўна-назіральнай групы АБСЭ і адзначыў, што ў “сувязі з экстраардынарнасьцю гэтага прэцэдэнту неабходна прыняць адпаведныя канкрэтныя меры, як на двухбаковай, так і шматбаковай аснове”. Прапануем Вашай увазе тэкст выступу Дугласа Дэвідсана цалкам.
Місія АБСЭ у яе цяперашняй форме працаваць у Беларусі ня будзе. Пра гэта, адказваючы на пытаньне "Медиафакта", у панядзелак заявіў начальнік упраўленьня інфармацыі, прэсавы сакратар беларускага знешнепалітычнага ведамства Павал Латушка. Паводле словаў афіцыйнага прадстаўніка МЗС, менавіта ў гэтым і ёсьць сутнасьць пазыцыі Беларусі, выказанай Сталым прадстаўніком рэспублікі ў АБСЭ Віктарам Гайсёнкам 17 кастрычніка на паседжаньні Сталай Рады гэтай арганізацыі ў Вене.
Зноў нахлынула хваля зьбіцьця незалежных палітыкаў, журналістаў, дзеячоў культуры. Каму выгадна нагнятаць паралізуючую атмасфэру страха ў гэтым асяродку? Ці размова ідзе толькі пра ланцуг выпадковасцяў, якія адбываюцца зь невыпадковым колам людзей? Чаму “хулиганы” сёньня на рэдкасьць палітызаваныя? А можа, зьбіваюць і людзей, набліжаных да ўлады? Прапаную вам азнаёміцца з наступнымі фактамі і самім адказаць на гэтыя пытаньні.
Пракуратура Цэнтральнага раёну Менску распачала крымінальную справу супраць 29-гадовай Аксаны Новікавай за паклёп адносна Аляксандра Лукашэнкі. Аксана Новікава, прыватны прадпрымальнік, была затрыманая 17 кастрычніка за распаўсюд улётак у раёне Кастрычніцкай плошчы сталіцы і пасьля вобшуку арыштаваная, паведамляе БелаПАН.
Рэдакцыя газэты “Народная Воля” накіравала Міністэрству інфармацыі ліст пратэсту супраць патрабаваньняў Леаніда Козіка закрыць выданьне за нібыта тэндэнцыйнае асьвятленьне дзейнасьці Фэдэрацыі прафсаюзаў. Рэдактар газэты Іосіф Сярэдзіч перакананы, што новы кіраўнік ФПБ спрабуе запалохаць выданьне, каб засьцерагчыся ад публікацыі нэгатыўных фактаў пра яго.
Заснавальнiкамi новага выданьня сталi маладыя людзі розных рэгiёнаў Берасьцейшчыны, бо меркавалася, што газэта будзе і распаўсюджвацца на тэрыторыi ўсёй вобласьцi. У Кобрыне было знойдзена памяшканьне, дзе плянавалася разьмясьцiць рэдакцыю. Але мясцовы гарвыканкам ня даў згоды на тое, каб такая газэта зьявiлася ў горадзе. Чыноўнiкi запатрабавалi ад заснавальнiкаў падрабязных зьвестак пра накiраванасьць будучага выданьня, ягоную рэдакцыю i крынiцы фiнансаваньня.
У судзе Цэнтральнага раёну гораду Гомлі пачаўся разгляд справы галоўнага падаткавага інспэктара інспэкцыі Міністэрства па падатках і зборах па Гомельскай вобласьці Ганны Аленічавай. Яна абвінавачваецца ў атрыманьні хабару і яго вымагальніцтве (арт.430, ч.2 Крымінальнага кодэксу Беларусі).
Беларускі бок пакуль ня здолеў дамовіцца аб дадатковых пастаўках газу з расейскай камапніяй “Газпрам”, наракаў намесьнік міністра энэргетыкі Беларусі Аляксандар Сівак 18 кастрычніка на прэсавай канфэрэнцыі ў Менску. Размова ідзе пра закупку дадатковых 1,5-2 млрд.кубічных мэтраў газу, неабходных для забесьпячэньня энэргетычнай бясьпекі краіны на бліжэйшыя месяцы, адзначае БелаПАН. “Нашыя людзі ўжо даўно знаходзяцца ў “Газпраме”, безупынна вядуць перамовы, -- сказаў Сівак. – Надзеі ёсьць, але канкрэтыкі пакуль няма”.
Сёлета ў Беларусі хутчэй за ўсё даражэюць друкаваныя выданьні (акрамя платных паслуг насельніцтву). Паводле інфармацыі Мінітэрства статыстыкі і аналізу, за студзень-верасень кошт друкаваных выданьняў павялічыўся на 50,2 адсоткі, у т.л. у верасьні - на 4,9 адсоткі. У агуле з пачатку году спажывецкія кошты вырасьлі на 24,4 адсоткі.
Интересный метод социологического опроса решило опробовать Управление ГАИ Министерства внутренних дел. Разрабатывая новую редакцию Правил дорожного движения, милиционеры решили узнать мнение участников дорожного движения. Для этого на официальном сайте белорусского МВД вывешен вопросник, по которому можно отвечать лишь «да» или «нет».
Злучаныя штаты Амэрыкі зьвярнуліся да Сталай Рады АБСЭ з просьбай накіраваць у Беларусь дэлегацыю для вырашэньня праблемы знаходжаньня ў Менску Кансультатыўна-назіральнай групы АБСЭ. У сувязі з асутнасьцю місіі на месцы, ЗША просяць кіраўніцтва АБСЭ рэгулярна ўносіць у павестку дня Сталай Рады пытаньне аб абмеркаваньні сытуацыі на Беларусі да таго часу, пакуль пытаньне канчаткова ня высьветліцца. У выпадку, калі Беларусь не правядзе канструктыўнага дыялёгу са старшынём АБСЭ, ЗША ня выключаюць верагоднасьці зьяўленьня чарговых складанасьцяў у адносінах зь Беларусяй. Пра гэта на чарговым паседжаньні Сталай Рады АБСЭ заявіў старшыня дзярждэпартамэнту ЗША (Бюро па эўрапейскіх справах) Джон Шмідт. Чытайце тэкст выступу амэрыканскага дыплямата.
На паседжаньні Сталай рады АБСЭ ў Вене прадстаўнік Беларусі ў гэтай арганізацыі Віктар Гайсёнак зрабіў заяву аб тым, што беларускі бок настойвае на закрыцьці офісу АБСЭ ў Менску і патрабуе, каб па гэтым пытаньні было прынятае афіцыйнае рашэньне.
Беларускі Гэльсынскі камітэт (БГК) атрымаў пісьмовы адказ сталай камісі “палаты прадстаўнікоў” па нацыянальнай бясьпецы на сумесную заяву БГК і іх грамадзкага аб’яднаньня “Прававая дапамога насельніцтву” аб лёсе крымінальных справаў, распачатых па фактах зьнікненьня Юры Захаранкі, Віктара Ганчара, Анатоля Красоўскага й Зьмітра Завадзкага.
Камісія Парлямэнцкай Асамблеі Рады Эўропы (ПАРЭ) на чале з дэпутатам расейскай Дзярждумы Сяргеем Кавалёвым, якая займаецца пытаньнем палітычных зьнікненьняў у Беларусі, ужо накіравала адпаведныя запыты “нацыянальнаму сходу” Беларусі. Пра гэта Сяргей Кавалёў паведаміў у інтэрвію Радыё Свабода 18 кастрычніка.
12 лістапада ў Дзяржаўнай думе плянуецца правесьці парлямэнцкія слуханьні па праблеме беларуска-расейскай інтэграцыі. Падрыхтоўкай слуханьняў на дадзены час займаецца парлямэнцкая фракцыя “Союз правых сил”. Пра гэта БелаПАН паведаміў старшыня Аб’яднанай грамадзянскай партыі (АГП) Анатоль Лябедзька. Паводле словаў палітыка, у рамках гэтых слуханьняў будзе абавязкова ўзьнятае пытаньне аб зьніклых беларускіх палітыках.
Вызваленая зь нямецкай турмы журналістка беларускай службы радыё “Свабода” Натальля Судлянкова ў суботу вярнулася ў Чэхію. Пра гэта РІА "Новости" паведаміла прэсавы сакратар радыёстанцыі “Свабода”/ “Свабодная Эўропа” Соня Вінтэр.
Суд Цэнтральнага раёну Менску 18 кастрычніка адхіліў зыск рэлігійнага аб’яднаньня супольнасьцяў “Сьвядомасьць Крышны” і Камітэту па справах рэлігіяў і нацыянальнасьцяў Беларусі па пытаньнях рэгістрацыі.
У Беларусі павінна быць пабудаваная дакладная сыстэма адукацыі, якая ахопіць усе яго ўзроўні, заявіў Аляксандар Лукашэнка, выступаючы 18 кастрычніка на рэспубліканскім сэмінары работнікаў кіраваньня, што праходзіць на базе Менскай вобласьці. Кіраўнік дзяржавы заявіў аб неабходнасьці забясьпечыць “жесточайший спрос” за стан справаў у сфэры адукацыі. “Мы должны всем миром навалиться на проблему образования, иначе потеряем общество”, -- сказаў Аляксандар Лукашэнка.
Выступаючы 18 кастрычніка на сэмінары кіруючых работнікаў рэспубліканскіх і мясцовых дзяржаўных органаў, старшыня Камітэту дзяржкантролю Анатоль Тозік паведаміў пра “абвастрэньне” праблемы ільготнага забесьпячэньня насельніцтва лекамі. Праверкі Камітэту дзяржкантролю паказалі шматлікія парушэньні ў гэтай сфэры і выявілі факты, калі бясплатныя рэцэпты на лекі выпісваліся на памерлых людзей, сказаў галава камітэту.
Колькасьць афіцыйна зарэгістраваных беспрацоўных у Беларусі за студзень-жнівень гэтага году павялічылася на 20,7 тыс.чалавек ці на 20% у параўнаньні з аналягічным пэрыядам мінулага году, паведамілі "Интерфаксу" ў Міністэрстве статыстыкі і аналізу.
Нацыянальны банк Беларусі накіраваў у Міністэрства эканомікі ліст з прапановай па акругленьні коштаў з мэтай наступнага вываду са звароту купюр дробнага наміналу. Пра гэта БелаПАН паведаміў начальнік упраўленьня інфармацыі галоўнага банку краіны Анатоль Драздоў.
Запазычанасьць спажыўцоў электрычнай і цеплавой энэргіі прадпыремствам канцэрну “Белэнэрга” з пачатку году павялічылася на 117,8 млрд. рублёў. У рублях пазыка “Белэнэрга” вырасла з 636,7 да 754,5 млрд., у пераразьліку на USD - з 403 млн. (паводле афіцыйнага курсу на 1 судзеня) да 405 млн. (на 1 кастрычніка). У той самы час у верасьні ўзровень аплаты энэргіі склаў 111,6 адсоткаў.
, iнформэр
