Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Беларусі хутчэй за ўсё даражэюць друкаваныя выданьні 16:36, 21/10/2002
Сёлета ў Беларусі хутчэй за ўсё даражэюць друкаваныя выданьні (акрамя платных паслуг насельніцтву). Паводле інфармацыі Мінітэрства статыстыкі і аналізу, за студзень-верасень кошт друкаваных выданьняў павялічыўся на 50,2 адсоткі, у т.л. у верасьні - на 4,9 адсоткі. У агуле з пачатку году спажывецкія кошты вырасьлі на 24,4 адсоткі.
Пры гэтым кошт харчовых і нехарчовых тавараў павялічыўся на 17,9 адсоткі, платных паслуг насельніцтву - на 67,9 адсоткі, перадае БелаПАН. Сярод нехарчовых тавараў рэкардсмэнам па росту коштаў пасьля друкаваных выданьняў зьяўляецца бензін - на 38,7 адсоткі, далей ідуць ровэры й матацыклы - на 35, дываны і дыванавыя вырабы - на 26,8, мэдыкамэнты - на 24,2, тытунёвыя вырабы - на 23,2. Сярод харчовых тавараў заўважна павялічыліся кошты на бульбу - на 34,4 адсоткі (пры тым, што ў верасьні ён патаньнеў на 7,3 адсоткі), масла сьметанковага - на 30,5, алкагольных напояў - на 28,2, безалкагольных напояў - на 25, алею - на 24,4. У самы час агародніна патаньнела з пачатку году на 22,8 адсоткі. Паслугі жыльлёва-камунальнай гаспадаркі падаражэлі ў 2,23 разы, пасажырскага транспарту - на 58 адсоткаў, бытавыя паслугі - на 38,3, паслугі аховы здароўя - на 36, сувязі - на 30,5.
, iнформэр
