Таварныя запасы ў гандлёвай сетцы павялічыліся :: Хартыя'97 :: Навiны

Паводле апэратыўных дадзеных Мінгандлю, на пачатак гэтага месяца таварныя запасы ў рэспубліцы забясьпечваюць 35 дзён гандлю. Як паведамілі карэспандэнту БЕЛТА ў міністэрстве, у параўнаньні з адпаведным пэрыядам леташнега году яны павялічыліся на 4 дні. У прыватнасьці, у сувязі са зьніжэньнем попыту павялічыліся запасы цукру, мясных кансэрваў.

Зьмянілася сёлета і структура спажываньня тавараў. За дзевяць месяцаў на 21,3 адсоткі да ўзроўня мінулага году павялічылася рэалізацыя рыбы і марапрадуктаў. Разам з тым зьнізіўся пакупальніцкі попыт на мяса, каўбасныя вырабы, сыры і масла сьметанковае. Па-ранейшаму складзкія запасы гаспадарчых тавараў, прадукцыі лёгкай прамысловасьці і складанабытавой тэхнікі растуць больш высокімі тэмпамі, чым іх продаж.