У закладніках можа быць каля 10 беларусаў :: Хартыя'97 :: Навiны

Амбасада Беларусі ў РФ ня можа назваць дакладную колькасьць грамадзян рэспублікі, якія знаходзяцца сярод закладнікаў у Тэатральным цэнтры на Дуброўцы. Як паведамілі РІА "Новости" ў пятніцу ў дыпляматычным прадстаўніцтве Беларусі, паводле папярэдніх дадзеных, іх ня больш за 10 чалавек.

Такую інфармацыю маюць супрацоўнікі амбасады, сыходзячы ад званкоў сваякоў мяркуемых закладнікаў і дадзеных службаў разьмяшчэньня маскоўскіх гатэляў, куды незадоўга да падзеяў на Дуброўцы заехалі грамадзяне Беларусі і якія да гэтага часу там не зьяўляліся.
Як адзначыў супрацоўнік амбасады, у дыпляматычным прадстаўніцтве наладжана кругласутачнае дзяжурства, а для беларускіх грамадзян, што лічацца ў закладніках, у гатэлі амбасады ўжо прыгатаваныя нумары, цёплая вопратка й харчаваньне.
На дадзены момант ля Тэатральнага цэнтру на Дуброўцы знаходзіцца пасол Беларусі ў РФ Уладзімер Грыгор’еў і начальнік консульскага аддзелу Аляксей Шахновіч.
Прадстаўнікі амбасадаў краін, чые грамадзяне знаходзяцца ў закладніках у тэрарыстаў, ужо прыбылі ў апэратыўны штаб.
Раней тэрарысты заявілі аб гатоўнасьці вызваліць закладнікаў-замежнікаў у выпадку, калі іх будуць прымаць супрацоўнікі дыппрадстаўніцтваў. Першапачаткова меркавалася, што вызваленьне закладнікаў-замежнікаў магло пачацца а 9.00 па маскоўскім часе.