Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Учора аб’явіў галадоўку старшыня прафсаюзаў прадпрымальнікаў гарадзенскага рынка “Паўднёвы” Валеры Леванеўскі, які знаходзіцца ў спэцпрыёмніку Кастрычніцкага РАУС Горадні. Напярэдадні судзьдзя Ленінскага раённага суда Натальля Козел асудзіла Леванеўскага да 15 сутак арышту за арганізацыю несанкцыянаванага мітынгу прадпрымальнікаў, які прайшоў 11 кастрычніка на плошчы Леніна ля будынка гарадзенскага аблвыканкаму.
Тады на плошчу выйшлі каля 200 прадпрымальнікаў, якія падпісалі заяву з патрабаваньнямі адмены шэрагу пастановаў, што прыціскаюць іх правы. Адразу пасьля суда Валеры Леванеўскі быў дастаўлены ў пастарунак Ленінскага РАУС, адкуль учора раніцай пераведзены ў спэцпрыёмнік Кастрычніцкага РАУС. Зараз зь ім у камэры знаходзяцца пяць чалавек. Як паведамляе БелаПАН, грамадзкі абаронца Леванеўскага, старшыня абласнога аддзяленьня БГК Аляксандар Антанюк заявіў, што акцыю, за якую арыштаваны Леванеўскі, нельга лічыць мітынгам, гэта быў сход прадпрымальнікаў. Судзьдзя Козел паведаміла абаронцы, што той, як удзельнік акцыі, таксама можа быць прыцягнуты да адказнасьці.
