Чачэнцы скардзяцца ў ААН на дзеяньні беларускай міліцыі :: Хартыя'97 :: Навiны

Чачэнцы скардзяцца ў ААН на дзеяньні беларускай міліцыі. З “канфліктных рэгіёнаў” Расеі ў Беларусі пражывае каля 70 чалавек, сярод якіх некалькі чачэнскіх сямей. Пра гэта паведаміў “Медиафакту” ў панядзелак дарадца па прававых пытаньнях упраўленьня вярхоўнага камісара па ўцекачах (УВКУ) ААН у Беларусі Віталь Маслоўскі. Адказваючы на пытаньне “Медиафакта”, В.Маслоўскі паведаміў, што “ў Прадстаўніцтва ААН у Беларусі ўжо зьвярнуўся этнічны чачэнец, які пражывае на тэрыторыі Беларусі. У яго праваахоўчыя органы канфіскавалі пашпарт з-за адсутнасьці ў ім рэгістрацыі аб пражываньні ў рэспубліцы”.

Ён таксама адзначыў, што ва УВКУ ААН у Беларусі, “ня выключаюць таго, што ў бліжэйшыя дні будуць яшчэ звароты чачэнцаў, што пражываюць на тэрыторыі рэспублікі”. У гэтай сувязі В.Маслоўскі падкрэсьліў, што “ў беларускіх уладаў, безумоўна, ёсьць права забясьпечваць бясьпеку краіны ў сувязі з тэрактам у Маскве, але яны не павінны забываць пры затрыманьні асобаў чачэнскай нацыянальнасьці, што існуе прэзумпцыя невіноўнасьці”.
Паводле ягоных словаў, згодна “саюзнаму” заканадаўству, у Беларусі няма афіцыйна зарэгістраваных уцекачоў з Чачэніі, бо ўсе яны зьяўляюцца грамадзянамі Расеі і атрымоўваюць від на жыхарства, а не статус уцекача.