Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У гэты дзень моладзевае крыло Аб’яднанай грамадзянскай партыі “Моладзь АГП” мае намер правесьці традыцыйны “Ланцуг неабыякавых людзей” з мэтай нагадаць грамадзтву пра зьніклых беларускіх апазыцыянэраў - Віктара Ганчара, Юры Захаранку, Зьмітра Завадзкага, Анатоля Красоўскага. Пра дэпутатаў Вярхоўнага Савету, якія прайшлі праз турмы - Андрэя Клімава і Ўладзімера Кудзінава. Пра памерлага пры нявысьветленых абставінах віцэ-сьпікера ВС Генадзя Карпенку. Аб асуджаных за абразу Лукашэнкі журналістах. Акцыя адбудзецца 30 кастрычніка, а 17.00 на Кастрычніцкай плошчы Менску.
Судовае паседжаньне па справе аб прызнаньні памерлым былога міністра ўнутраных справаў Беларусі генэрала Юры Захаранкі адкладзена на няпэўны тэрмін. Пра гэта ў размове з карэспандэнтам РІА "Новости" паведаміў адвакат сваякоў генэрала Алег Волчак.
Законапраект “Аб сродках масавай інфармацыі”, які знаходзіцца на дадзены момант у адміністрацыі прэзыдэнта, хутчэй за ўсё будзе разглядацца дэпутатамі “палаты прадстаўнікоў” падчас цяперашняй сэсіі. Такое меркаваньне ў інтэрвію “Медиафакту” ў сераду выказаў кіраўнік “парлямэнцкай” камісіі па правох чалавека, нацыянальных дачыненьнях і СМІ Валеры Ліпкін.
ЗША рыхтуюць матэрыялы для міжнароднага суда над Садамам Гусэйнам па абвінавачваньні ў ваенных злачынствах й злачынствах супраць чалавецтва. Суд над Гусэйнам і яго бліжэйшым атачэньнем будзе праводзіцца па тыпу Нюрнбэргскага трыбуналу, паведамляе “Эхо Москвы” са спасылкай на газэту "The Washington Post".
Яшчэ больш абмяжоўваць вяшчаньне расейскіх тэлеканалаў на тэрыторыі Беларусі пакуль не плянуецца, “пакуль застанецца летні варыянт”. Пра гэта заявіў старшыня Нацыянальнай дзяржаўнай тэлерадыёкампаніі Ягор Рыбакоў 29 кастрычніка ў інтэрвію газэце “Звязда”. Паводле Рыбакова, сытуацыя застанецца “ў такіх самых рамках, ва ўсялякім выпадку, да канца году”. А ўвогуле Рыбакоў выступае катэгарычна супраць “інфармацыйнай экспансіі расейскіх тэлеканалаў”.
Супрацоўнікі праваахоўчых органаў затрымалі ў Менску групу чачэнцаў. Як паведамляе Ўпраўленьне інфармацыі і грамадзкіх сувязяў МУС, 10 грамадзян Чачэнскай Рэспублікі былі знойдзены ў кватэры беспрацоўнага менчука 29 кастрычніка. Усе яны знаходзіліся ў Беларусі без рэгістрацыі. На затрыманых складзеныя пратаколы і яны адпраўленыя за межы Беларусі, паведамляе АФН.
Сёньня а 10.00 у Фрунзенскім судзе Менску пад старшынствам судзьдзі Кулаковай пачалося судовае паседжаньне, на якім разглядаецца заява Ірыны Красоўскай па прызнаньні ейнага мужа Анатоля Красоўскага без вестак адсутным. У час суда прадстаўнік Красоўскай Гары Паганяйла высоўваў шэраг хадайніцтваў, у тым ліку аб далучэньні да матэрыялаў суда шэрагу дакумэнтаў, якія пацьвярджаюць датычнасьць уладаў да зьнікненьня Анатоля Красоўскага і ягонага сябра, вядомага апазыцыйнага палітыка Віктара Ганчара. Меўся на ўвазе рапарт начальніка ДУКМ ГУУС генэрал-маёра міліцыі Мікалая Лапаціка, рапарт начальніка СІЗА палкоўніка Алега Алкаева, ксэракопія раскладу выдачы “расстрэльнага” пісталету і г.д. Аднак гэтае хадайніцтва было адхіленае.
У Дэпартамэнце фінансавых расьсьледаваньняў распачатая крымінальная справа адносна старшыні ЗАТ АКБ “МінскКомплексБанк”. Паводле матэрыялу сьледзтва, ён у 2000-2002 гадах разьмесьціў грашовыя сродкі банку на дэпазытныя рахункі “Rietumu Bank” (Латвія). Як паведамілі карэспандэнту БЕЛТА ў прэсавым цэнтры Камітэту дзяржаўнага кантролю, незаконымі дзеяньнямі “МінскКомплексБанку” быў нансены ўрон у буйным памеры на суму 980 тысяч даляраў.
У адміністрацыі прэзыдэнта падрыхтаваны праект указу “Аб дзяржаўнай падтрымцы грамадзкага аб’яднаньня “Беларускі рэспубліканскі саюз моладзі” (БРСМ). Маладых прыхільнікаў кіраўніка дзяржавы плянуецца надзяліць шырокім колам паўнамоцтваў, фінансаваць зь бюджэту і пры гэтым пазбавіць ад усялякай адказнасьці за свае ўчынкі.
У сувязі з адмоваю беларускіх уладаў падоўжыць дыпляматычную акрэдытацыю супрацоўніку Кансультатыўна-назіральнае групы АБСЭ ў Менску Аліне Жасан, Партугалія – старшыня АБСЭ - зрабіла наступную заяву: "Нягледзячы на цяглыя намаганьні Сташынства АБСЭ па прадухіленьні цяжкасьцяў у адносінах Беларусі і АБСЭ, Дзейны старшыня з жалем адзначае, што беларускія ўлады адмовілі ў падаўжэнні дыпляматычнай акрэдытацыі Аліне Жасан, апошняму супрацоўніку Кансультатуўна-назіральнай групы (КНГ) і часова выконваючай абавязкі кіраўніка Групы".
Былы кіраўнік КНГ АБСЭ ў Менску доктар Ганс-Георг Вік перакананы, што місія АБСЭ будзе працягваць сваю дзейнасьць надалей, прычым у тым выглядзе, як гэта было ў часе працы ў Менску самога Віка. Зьвязацца зь нямецкім дыпляматам Радыё Свабода ўдалося выключна празь ягоны мабільны тэлефон — у Бэрліне праходзіла канфэрэнцыя, прысьвечаная расейска-нямецка-амэрыканскім дачыненьням.
Фракцыя СПС плянуе ўнесьці на разгляд дзяржаўнай Думы праект пастановы ў сувязі з высылкай зь Беларусі ў пачатку мінулага тыдня лідэраў Саюзу правых сілаў Барыса Нямцова і Ірыны Хакамады. Як паведаміў журналістам першы намесьнік кіраўніка фракцыі Барыс Надзеждзін, у праекце пастановы МЗС РФ рэкамэндуецца выказаць пратэст з гэтай нагоды беларускаму боку.
Раніцой 29 кастрычніка перад ад’ездам зь Менску апошняга дыплямата Кансультатыўна-назіральнае групы АБСЭ ў Беларусі Аліны Жасан ля будынку місіі адбыўся несанкцыянаваны пікет. Двое актывістаў Аб’яднанай грамадзянскай партыі – Канстанцін Хадыка й Сяргей Пьяных – прастаялі паўгадзіны ля ўваходу ў офіс КНГ з расьцяжкай “За дэмакратычныя стандарты АБСЭ”. Пасьля зьявіліся супрацоўнікі міліцыі і прапанавалі пікетоўцам разысьціся.
Урад Беларусі занепакоены невыкананьнем шэрагу прагнозных паказчыкаў сацыяльна-эканамічнага разьвіцьця краіны. Вынікі працы народнай гаспадаркі ў студзені-верасьні 2002 году абмяркоўваліся на паседжаньні прэзыдуюму Савету міністраў 29 кастрычніка.
Депутатская группа «палаты представителей» «Единая Беларусь» приняла обращение, в котором выразила обеспокоенность экономической ситуацией в стране. В частности, «депутаты» озабочены медленными темпами экономических преобразований и уровнем жизни белорусских граждан. "Паруса государства ждут свежего ветра: необходимо двигаться вперед, настойчиво проводить реформы и, в первую очередь, в экономике", — подчеркивают «депутаты».
Падчас чарговага апытаньня грамадзкае думкі, праведзенай сярод 500 менчукоў 18 гадоў і старэй сацыялягічнай службай “Зеркало” інфармацыйнай кампаніі БелаПАН 22-25 кастрычніка, увазе жыхароў беларускай сталіцы прапанавалі сьпіс сацыяльных зьяваў. Рэспандэнтаў прасілі ўказаць, якія з гэтых зьяваў маюць месца ў Беларусі. Большасьць апытаных сацыолягамі жыхароў беларускай сталіцы зьвярнулі ўвагу на рост коштаў (70 адсоткаў) і рост беспрацоўя (52 адсоткі). Каля паловы – 49 адсоткаў – адзначылі наяўнасьць у кране “карупцыі, хабарніцтва сярод чынрўнікаў мясцовай улады”.
Вышэйшая абаронная рада Сэрбіі сёньня прыняла рашэньне адправіць у адстаўку міністра абароны рэспублікі Слабадана Біліча й начальніка Генэральнага штабу Новіца Сіміча. Яны звольненыя за парушэньне эмбарга ААН на пастаўкі зброі ў Ірак. Рашэньне аб адстаўцы вышэйшых ваенных чыноў Сэрбіі прынятае, нягледзячы на тое, што прамых доказаў паставак узбраеньня ў Ірак няма. Нагадаем, раней былі звольненыя дырэктар заводу па вытворчасьці запчастак для самалётаў МіГ-21, кіраўнік замежнагандлёвай кампаніі рэспублікі й намесьнік міністра абароны, які адказвае за ваенна-паветраныя сілы краіны.
28 кастрычніка супрацоўнікі ўпраўленьня па барацьбе з эканамічнымі злачынствамі ГУУС Менгарвыканкаму сумесна з калегамі з АБЭП Цэнтральнага РУУС і Галоўнага ўпраўленьня апэратыўна-вышукной дзейнасьці крымінальнай міліцыі МУС Беларусі затрымалі на месцы злачынства ў сваім працоўным габінэце галоўнага доктара Цэнтру гігіены і эпідэміалёгіі Цэнтральнага раёну Менску. Пра гэта БелаПАН паведамілі ў аддзеле інфармацыі і грамадзкіх сувязяў ГУУС Менгарвыканкаму.
“У Чэхіі ёсьць жаданьне супрацоўнічаць зь Беларусяй у сфэры бізнэсу, інвэстыраваць сродкі, але пакуль няма ўпэўненасьці, што гэтыя інвэстыцыі дойдуць да месца прызначэньня і дадуць патрэбныя вынікі”, - заявіў у інтэрвію БелаПАН першы намесьнік генэральнага дырэктара выставачнага комплексу “Брненскія кірмашы й выставы” Ярамір Гажмука, які знаходізцца ў Беларусі зь візытам у складзе дэлегацыі дзелавых колаў Чэхіі.
У Беларусі пачалі дзейнічаць новыя Правілы аўтамабільных перавозак грузаў. Як адзначаецца ў распаўсюджаным з гэтай нагоды камэнтары Міністэрства транспарту й камунікацыяў, правілы вызначаюць агульныя ўмовы перавозак грузаў ва ўнутрырэспубліканскіх і міжнародных зносінах, а таксама ўмовы перавозак асобных відаў грузаў, за выключэньнем небясьпечных, цяжкавагавых і буйнагабарытных.
C принятием нового закона об аудиторской деятельности количество аудиторов в Беларуси значительно сократится. Такое мнение в интервью “Медиафакту” высказал директор белорусского офиса международной консалтинговой и аудиторской компании "Ernst & Young" Павел Лащенко.
Платная мэдыцына. Пра яе ўвесь час кажуць і зь ёй стала сутыкаюцца. Зараз што ні паход у паліклініку – узварушваньне кашалька. Нават аналіз крыві рабіць трэба за грошы. І калі вы, ня дай бог, трапіце ў шпіталь, то вам таксама давядзецца плаціць. Не таму што так вызначана правіламі, а з прычыны адсутнасьці ў дадзенай мэдычнай установе патрэбных лекаў і расходных матэрыялаў. Вы, вядома, маўкліва паабураецеся і паскарадзіцеся на цяжкае эканамічнае становішча краіны, але плаціць усё адно будзеце: здароўе даражэй!
Гэта ўжо чацьвёрты сёлета пераразьлік. У выніку за 9 месяцаў у сярэднем пэнсіі былі падвышаныя на 24 адсоткі. Пачынаючы зь лютага, дадатковыя выдаткі з Фонду сацыяльнай абароны насельніцтва на гэтыя мэты склалі 315 мільярдаў рублёў.
Міністэрства эканомікі Рэспублікі Беларусь прыняла пастанову ад 25 кастрычніка 2002 году №232 “Аб індэксацыі тарыфаў на жыльлёва-камунальныя паслугі”. Як паведамляе прэсавая служба Мінэканомікі, пастановай праіндэксаваная дзейная плата за тэхнічнае абслугоўваньне жылых памяшканняў за кастрычнік 2002 году, і ўстаноўлена ў памеры 67,11 рублёў за адзін квадратны мэтар агульнай плошчы ў месяц. Таксама дадзенай пастановай праіндэксаваныя дзейныя тарыфы на камунальныя паслугі (газазабесьпячэньне, халоднае і гарачае водазабесьпячэньне, каналізацыя, ацяпленьне) за кастрычнік 2002 году на 1,2%.
Эканамічна актыўнае насельніцтва ў Беларусі складае каля 4,2 млн.чалавек. Пра гэта паведаміў намесьнік дырэктара дэпартамэнту па працаўладкаваньні Міністэрства працы й сацыяльнай абароны насельніцтва Беларусі Мікалай Баранаў.
Запазычанасьць прадпрыемстваў перад фондам сацыяльнай абароны насельніцтва складае 161 мдрд.рублёў. Пра гэта паведаміла старшыня фонду Людміла Бачыла. Паводле ейных словаў, з пачатку сёлетняга году гэтая запазычанасьць павялічылася з 70 да 161 млрд. рублёў. Кажучы пра праблемы пэнсійнай сыстэмы, Л.Бачыла адзначыла, што ў рэспубліцы выплочваецца “занадта шмат ільготных пэнсіяў”. Так, паводле яе дадзеных, зараз больш за 17% грамадзян атрымоўваюць ільготныя пэнсіі. “Фінансаваньне ў нас ажыцьцяўляецца з колаў, бо ўсё, што мы атрымоўваем, адразу сыходзіць на выплату пэнсіяў”, - сказала Бачыла.
Віцебскі дзяжаўны унівэрсытэт (ВДУ) вымушаны ў наступным навучальным годзе скараціць пятую частку прафэсарска-выкладчыцкага складу. Пра гэта паведаміў рэктар ВДУ акадэмік Аркадзь Русецкі. Паводле ягоных словаў, больш за 100 выкладчыкаў установы атрымаюць паведамленьне пра скарачэньне, паведамляе www.praca.by.
Калі б энэргію праклёнаў беларусаў у адрас жыльлёва-камунальных службаў можна было б пераўтварыць у электрычнасьць, то краіна магла б як мінімум абысьціцся без мазуту й газу. Згодна архаічных інструкцыяў аб уключэньні ацяпленьня з 15 кастрычніка (ці калі за 5 дзён тэмпература ня будзе пераўзыходізць 8 градусаў), урад паказвае ня толькі сваю дагматычнасьць, але пагарду да мільёнаў грамадзян, кватэры якіх падключаныя да цэнтральнага ацяпленьня.
, iнформэр
