Заробак у Гарадзенскай вобласьці дасягнуў 100 даляраў :: Хартыя'97 :: Навiны

Налічаны сярэднемясячны заробак працоўных Гарадзенскай вобласьці (без уліку камэрцыйных структур) у верасьні сёлетняга году дасягнуў 187 тысяч рублёў. Як паведаміў карэспандэнту “Интерфакса” ў сераду старшыня Гарадзенскага аблвыканкаму Ўладзімер Саўчанка, у параўнаньні з папярэднім месяцам сярэднемесячны заробак павялічыўся на 1,6 адсоткі.

Значна вышэй за сярэднеабласны ўзровень заробак у працоўных трубаправоднага транспарту, страхаваньня, праектных арганізацыяў, электраэнэргетыкі й хімічнай прамысловасьці. Напрыклад, у ААТ “Краснасельсбудматэрыялы” заробак за верасень 2002 году дасягнуў 240 тысяч рублёў.
У той самы час па-ранейшаму нізкім застаецца заробак у работнікаў сельскай гаспадаркі і грамадзкага харчаваньня, адзначыў Саўчанка. Паводле ягонай інфармацыі, узовень беспрацоўя ў агульнай колькасьці эканамічна актыўнага насельніцтва склаў 2,8 адсоткі. Усяго па стану на 1 кастрычніка 2002 году ў вобласьці зарэгістраваныя 14 тысяч беспрацоўных, палова зь якіх атрымоўваюць матэрыяльную дапамогу па беспрацоўю.