Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
38 адсоткаў менчукоў лічаць, што вынікі мясцовых выбараў будуць фальшаванымі 16:14, 01/11/2002
Больш за траціну - 38 адсоткаў – апытаных сацыолягамі жыхароў Менску лічаць, што вынікі выбараў у мясцовыя Саветы дэпутатаў Беларусі, якія маюць адбыцца вясной 2003 году будуць сфальшаванымі. Пры гэтым 14 адсоткаў цалкам перакананыя ў гэтым, а 24 адсоткі рэспандэнтаў лічаць, што “хутчэй будуць, чым ня будуць” сфальшаванымі. Такія дадзеныя апытаньня, праведзенага сацыялагічнай службай “Зеркало” інфармацыйнай кампаніі БелаПАН 22 - 25 кастрычніка. Было апытана 500 менчукоў ва ўзросьце 18 гадоў і старэй.
Супрацьлеглай думкі трымаюцца 28 адсоткаў апытаных менчукоў. Прычым 16 адсоткаў упэўненыя, што вынікі выбараў ня будуць сфальшаванымі, а 12 адсоткаў адзначылі, што вынікі “хутчэй ня будуць, чым будуць” сфальшаванымі. І каля траціны (34 адсоткі) рэспандэнтаў ня здолелі адказаць на пытаньне, ці будуць сфальшаваныя выбары ў мясцовыя Саветы дэпутатаў вясной 2003 году.
