Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Менскі гарвыканкам дазволіў правесьці ў сталіцы шэраг мерапрыемстваў да Дня памінаньня продкаў, які штогод адзначаецца ў краіне 2 лістапада. КХП-БНФ атрымала дазвол правесьці 2 лістапада шэсьце ад бульвару Талбухіна (ст. мэтро "Парк Чалюскінцаў") па праспэкце Ф. Скарыны да станцыі мэтро "Усход" і далей па вуліцы Каліноўскага да ўрочышча Курапаты, дзе пахаваны ахвяры сталінскіх рэпрэсіяў. Ва ўрочышчы адбудзецца мэмарыяльны мітынг - адпаведная заяўка пададзена ў Менскі аблвыканкам. БНФ "Адраджэньне" на 2 лістапада таксама замовіў шэсьце й мітынг.
Уладзімер Кішкурна й Аляксей Марачкін папрасілі дазволу на акцыю «з мэтаю адзначэньня Дня памінаньня продкаў "Дзяды" й асьвячэньня крыжа-капліцы ва ўрочышчы Курапаты». Збор удзельнікаў мяркуецца на станцыі мэтро "Усход" а 12.00. Адтуль да 500 чалавек калёнай пойдуць па вуліцах Каліноўскага, Сядых, Карбышава да Курапатаў, дзе з 13.30 да 15.30 заплянаваны мітынг і асьвячэньне крыжа-капліцы. 3 лістапада ад Палацу культуры тэкстыльшчыкаў у Менску распачнецца жалобнае шэсьце: па вуліцы Маякоўскага калёна ўдзельнікаў адправіцца ў накірунку Лошыцкага парку, дзе каля памятнага крыжу з 13-й да 14-й гадзіны пройдзе мітынг.
, iнформэр
