Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Зьмяніўся кіраўнік беларускага прадстаўніцтва Сусьветнага банка 12:40, 05/11/2002
Доктар эканамічных навук Вадзім Варонін прызначаны новым кіраўніком прадстаўніцтва Сусьветнага банка ў Беларусі. Пра гэта паведаміў у панядзелак на брыфінгу ў Менску былы кіраўнік прадстаўніцтва Сяргей Кулік.
Паводле ягоных словаў, да свайго прызначэньня ў Менск Вадзім Варонін працаваў у расейскім прадстаўніцтве Сусьветнага банка і з боку ягонага кіраўніцтва карыстаецца “даверам і павагай”. Чакаецца, што ў сьнежні кіраўніцтва Сусьветнага банка афіцыйна прадставіць у Менску новага кіраўніка беларускага прадстаўніцтва. Сяргей Кулік, як паведамляе ІА “Росбалт”, атрымаў прызначэньне на працу ў штаб-кватэры Сусьветнага банка ў Вашынгтоне, дзе будзе займацца каардынацыяй праграм па Беларусі, Украіне й Малдове. Сусьветны банк рэалізаваў у Беларусі тры крэдытныя праекты: заём на інстытуцыянальнае будаўніцтва (8,3 млн. даляраў), рэабілітацыйны заём (120 млн. даляраў) і заём на рэфармаваньне лясной гаспадаркі (41,9 млн. даляраў). Акрамя таго, у 2001 быў зацьверджаны праект па энэргазахаваньні на аб’ектах сацыяльнай сфэры Беларусі (22,6 млн. даляраў).
