Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Журналістаў “Пагоні” працягваюць выклікаць у міліцыю 13:50, 05/11/2002, pahonia.promedia.by
Учора ў міліцыю па справе інтэрнэт-газэты «Пагоня» былі выкліканыя яшчэ два гарадзенскія журналісты – Юлія Дарашэвіч і Андрэй Пачабут.
Адзел унутраных справаў Ленінскага раёну Горадні па ўказаньні абласной пракуратуры высьвятляе, хто стварае інтэрнтэт-вэрсію “Пагоні”. У часе размовы з журналісткай Юліяй Дарашэвіч лейтынант міліцыі Віталь Стасюкевіч настойваў, што інтэрнэт зьяўляецца сродкам масавай інфармацыі. --Стасюкевіч паведаміў, што высьвятляў гэтае юрыдычнае пытаньне нават у інтэрнэт-клюбе, -- кажа Дарашэвіч. – Там яму сказалі, што сайты рэгіструюцца, патлумачылі яшчэ штосьці, але астатняга ён не зразумеў. Ён прызнаўся, што не ўяўляе сабе, што такое інтэрнэт. Андрэю Пачабуту, зь якім міліцыянт Стасюкевіч сустракаўся ў той самы дзень, міліцыянт паведаміў, што праваахоўчыя органы занепакоеныя тым, што “Пагоня”, закрытая судом, працягвае распаўсюджвацца праз інтэрнэт. Тыдзень таму на такую ж размову выклікалі журналістку Ірыну Чарняўку.
