Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
5 лістапада Ленінскі РАУ Горадні завяршыў службовае расьсьледаваньне па факту разьмяшчэньня ў інтэрнэце сайту газэты «Пагоня». Пра гэта паведаміў супрацоўнік аддзелу аховы правапарадку Ленінскага РАУС старэйшы лейтынант Віталь Стасюкевіч.
Як паведамляе БелаПАН, расьсьледаваньне праводзілася з дазволу пракуратуры. Супрацоўнікі Ленінскага РАУС павінны былі разгледзіць магчымасьць прыцягненьня да адміністратыўнай адказнасьці за распаўсюд у Інтэрнэце закрытай газэты «Пагоня». Да запыту пракуратура дадала сьпіс пад назвай “рэдакцыя інтэрнэт-газэты Пагоня” з імёнамі, хатнімі адрэсамі й тэлефонамі сямёх гарадзенскіх журналістаў. За два тыдні праверкі Валеры Стасюкевіч дапытаў чатырох чалавек са сьпісу. Стасюкевіч адмовіўся паведаміць, ці будзе ў выніку службовага расьсьледаваньня распачатая справа паводле арт.172 Кодэксу аб адміністратыўных правапарушэньнях (“Парушэньне парадку распаўсюду друкаванага выданьня”). “Я атрымаў усю неабходную інфармацыю. Вынік зьяўляецца службовай тайнай, і я ня маю права яго агучваць”, - заявіў ён.
