Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Лукашэнка патрабуе ад Расеі 500 мільёнаў даляраў 15:58, 06/11/2002
Кіраўнік беларускай дзяржавы Аляксандар Лукашэнка запатрабаваў ад ураду краіны выставіць рахунак Расеі на 500 млн.даляраў ЗША. Паводле ягоных словаў, гэта – тыя страты, якія панёс беларускі бок у выніку неўрэгуляванасьці стасункаў пры спагнаньні ўскосных падаткаў.
Пра гэта кіраўнік краіны заявіў у сераду на нарадзе з урадам у сувязі са скарачэньнем паставак расейскага газу ў Беларусі на 50 адсоткаў. Ён запатрабаваў ад Масквы плаціць па сусьветных коштах за паслугі Беларусі – “таможне, границе, охране России”. А.Лукашэнка таксама падкрэсьліў, што Менск мае права прад’явіць рахунак “Газпрому” на суму тых ільгот, якія былі дадзеныя пры будаўніцтве газапроваду “Ямал-Эўропа”. Паводле ягоных словаў, размова ідзе пра суму ў 175 млн. даляраў. “Если Россия не хочет выполнять свои обязательства, то мы должны просить Россию оплатить транзит газа по мировым ценам”, - сказаў Аляксандар Лукашэнка. Паводле ягонай інфармацыі, расейскі бок сёньня плоціць Беларусі за транзіт газу ў 4-5 разоў меней, чым Украіне.
