Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
На прадпрыемстве “Бабруйскмэбля” знайшлі замену прыроднаму газу 10:33, 12/11/2002, БЕЛТА
На бабруйскім прадпрыемстве ЗАТ “Бабруйскмэбля” знайшлі замену прыроднаму газу. Адзін з катлоў у заводзкай кацельні, які раней працаваў на мазуце, а затым на блакітным паліве, чатыры гады таму пераабсталявалі пад дравеснае паліва. У справу пайшлі адходы ўласнай вытворчасьці – лесапільні і дрэваапрацоўкі. У вяснова-летне-восеньскі сэзон, калі спыняецца ацяпляльны пэрыяд, дравесны кацёл цалкам забясьпечвае патрэбы вытворчасьці. Больш за тое, пардпрыемства падае ваду і цяпло ў інтрэнат, чацьвёртую гарадзкую паліклініку, падразьдзел УУС і іншым арганізацыям.
- Прыродны газ выкарыстоўваем толькі з наступленьнем нізкіх тэмператур, - паведаміў карэспандэнту БЕЛТА начальнік энэргамеханічнага ўпраўленьня ЗАТ “Бабруйскмэбля” Віктар Забэла. – У гэты час да “дравеснага катла” ў дапамогу падключаем газавы з шасьці гадзін трыццаці хвілін і да шаснаццаці. Затым гасім, каб без патрэбы не выдаткоўваць дарагія энэргарэсурсы. У выніку за дзевяць месяцаў сэканомілі два мільёны дзьвесьці тысяч кубамэтраў блакітнага паліва, што абыйшлося б у 106 тысяч даляраў ЗША.
