Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Польшча перастала пускаць чачэнцаў на сваю тэрыторыю 10:35, 12/11/2002
Больш за 300 грамадзян Расеі – нараджэнцаў Чачэніі знаходзяцца ў раёне берасьцейскай мытні, паведамляе інфармацыйнае агенцтва "Интерфакс" са спасылкай на прэсавы цэнтар дзяржкамітэту памежных войскаў Беларусі. “З 26 кастрычніка, у сьвятле падзеяў з захопам закладнікаў у Маскве, польскія памежнікі перасталі прапускаць на сваю тэрыторыю асоб чачэнскай нацыянальнасьці”, - удакладнілі ў прэсавым цэнтры.
У дзяржкамітэце памежных войскаў выказваюць незразуменьне таго, што польскі бок, спрабуючы абараніць сябе, і не прапусьціць у Заходнюю Эўропу асобную катэгорыю асобаў, папярэдне не паведаміў пра гэта беларускім уладам і зрабіў больш жорсткай міграцыйную і памежную палітку. Намесьнік начальніка ўпраўленьня пашпартна-візавай службы МУС Беларусі Валеры Казлоўскі заявіў, што “прысутнасьць на памежнай тэрыторыі вялікай колькасьці чачэнцаў заўважна ўскладняе крымінагенную абстаноўку на пунктах пропуску праз мяжу ў памежжа, а таксама ў горадзе Берасьці”. Суразмоўца ня выключыў, што дадзеная катэгорыя асобаў будзе асядаць у Беларусі, а таксама паспрабуе незаконна перасекчы дзяржаўную мяжу.
