Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Актывіст БПС асуджаны да 7 сутак арышту 11:48, 12/11/2002
Адзін з актывістаў Беларускай партыі свабоды Зьміцер Каўко асуджаны судом Савецкага раёну гораду Менску да адміністратыўнага арышту тэрмінам на 7 сутак. Яго затрымалі ноччу з 6 на 7 лістапада ля ўрочышча Курапаты ў раёне Менскай кальцавой дарогі, дзе ён і яшчэ некалькі актывістаў БПС спрабавалі нанесьці на шумаабарончую заслону дарогі графіці: “Лукашэнка, ушануй Курапаты!” і іншыя.
Рэканструіраваны ўчастак дарогі ля ўрочышча Курапаты быў адкрыты 7 лістапада з удзелам Аляксандра Лукашэнкі й надпісі, натуральна, прызначаліся для яго. Як патлумачыў карэспандэнту БелаПАН старшыня БПС Сяргей Высоцкі, падчас акцыі быў затрыманы толькі адзін чалавек. Чацьвёра сутак ён знаходзіўся ў спэцпрыёмніку-разьмеркавальніку ГУУС Менгарвыканкаму. Суд прызнаў Зьмітра Каўко віноўным у дробным хуліганстве і дадаў яму ў віну (акрамя нанясеньня надпісаў) яшчэ і пашкоджанне дарожных знакаў.
