Беларусь вымушаная будзе закупіць расейскі газ па камэрцыйных коштах :: Хартыя'97 :: Навiны

Газавы канфлікт паміж Менскам і Масквой часова спынены. Беларусь зьмірылася з тым, што да канца году ёй давядзецца закупаць газ па камэрцыйных коштах у “Итеры”. Прэзыдэнт кампаніі Ігар Макараў сказаў, што “Итера” прапануе Беларусі набываць газ прыкладна па 40 даляраў за 1000 куб. м. Да дэмаршу Лукашэнкі беларускія чыноўнікі спрабавалі зтаргавацца з “Міжрэгіёнгазам” па кошце 32 дал. (“дачка” “Газпрому” настойвала на 35 дал.). Але цяпер Беларусь загнаная ў кут і, напэўна, прыме ўмовы “Итеры”. Закупаючы газ у “Итеры” па 40 дал. за 1000 куб. м, а не ў “Газпроме” па 24 дал., Беларусі давядзецца заплаціць дадаткова 27,2 млн. даляраў.

У лістападзе “Газпром” скараціў падачу газу ў Беларусь па ўнутрырасейскіх коштах, а з сярэдзіны лістапада прыгразіў спыніць пастаўкі. Гэта адбылося таму, што беларускія спажыўцы “датэрмінова” выбралі ліміт, вызначаны міжурадавым пагадненьнем на 2002 г. (10,2 млрд. куб.м). Прэм’ер Бларусі дамовіўся з намесьнікам старшыні “Газпрому” аб тым, што холдынг дасьць транспартныя паслугі для пракачкі ў Беларусь газу, які паставіць незалежны вытворца. Як паведаміла крыніца ў “Газпроме”, блізкая да перамоваў, такім партнёрам стане “Итера”. У бліжэйшыя дні “Итера” і “Белтрансгаз” падпішуць кантракт на пастаўку да канца году 1,7 млрд. кубамэтраў.