Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
13 лістапада Менгарвыканкам перагледзіў сваё рашэньне і дазволіў правядзеньне шэсьця й мітынгу апазыцыі, заплянаваных на 17 лістапада ў падтрымку незалежнасьці Беларусі. Як паведаміў БелаПАН адзін з аўтараў заяўкі Сяргей Шынкевіч, яму дадому патэлефанавалі прадстаўнікі Менскага гарвыканкаму і сказалі, што магчымы дазвол мітынгу, калі аўтары заяўкі паўторна пададуць яе і ўнясуць у тэкст некаторыя зьмены. У прыватнасьці, колькасьць удзельнікаў не павінна пераўзыходзіць тысячы чалавек, а маршрут шэсьця павінен пралягаць ад плошчы Якуба Коласа да плошчы Бангалор.
Цэнтральная камісія Рэспублікі Беларусь па выбарах і правядзеньню рэспубліканскіх рэферэндумаў адмовіла праваабарончаму цэнтру “Вясна” даць для азнаямленьня распрацаваныя інструкцыі аб арганізацыйна-прававых пытаньнях працы ўчастковых камісіяў па правядзеньню выбараў у мясцовыя Саветы дэпутатаў.
Пазыцыя дзяржаваў НАТО па пытаньні выдачы візаў афіцыйнай беларускай дэлегацыі на саміт Рады Эўраатлянтычнага партнёрства (РЭАП) дэманструе “беспрынцыповасьць” у эўрапейскіх справах, а таксама зьяўляецца “ўмяшальніцтвам ва ўнутраныя справы Беларусі”. Пра гэта, як паведамляе “Медиафакт”, у чацьвер у Менску заявіў журналістам міністар замежных справаў Беларусі Міхаіл Хвастоў.
Беларуская дэлегацыя прыняла ўдзел у дыскусіі па пытаньню неабходнасьці спыненьня эканамічнай, ганлёвай і фінансавай блякады, уведзенай Злучанымі Штатамі Амэрыкі супраць Кубы, падчас паседжаньня 57-й сэсіі Генэральнай асамблеі ААН. Пра гэта “Медиафакту” паведаміў у чацьвер прэсавы сакратар МЗС Павал Латушка.
Нягледзячы ні на якія ваенна-палітычныя буры ў пустэчах Бліжняга Ўсходу, наш урад з зайздроснай упартасьцю працягвае спробы атрымаць хоць кавалачак ад вялікага ірацкага пірага, які добра закрыты ў каробцы санкцыяў ААН. Звыклы ўжо шэраг беларуска-ірацкіх абменаў візытамі працягнула дэлегацыя ірацкіх мэдыкаў і чыноўнікаў міністэрства аховы здароўя, якая пабывала ў Беларусі з 7 па 12 лістапада.
Аляксандар Лукашэнка, хутчэй за ўсё, ня будзе прымаць удзел у праскім саміце НАТО, бо чэскія ўлады ня выдадуць яму ўязную візу. Пра гэта заявіў у прамым этэры Чэскага радыё кіраўнік МЗС Чэхіі Кірыл Свобада.
Расейскі наркотык Лукашэнкі 12:39, 14/11/2002, Зьміцер Арлоў, кандыдат гістарычных навук, намесьнік генэральнага дырэктара Цэнтра палітычных тэхнал
Цуд адбыўся. Лукашэнка папрасіў прабачэньня. Кракадзіл сказаў добрае слова – праўда, не сам, а пры пасярэдніцтве беларускага прэм’ер-міністра Генадзя Навіцкага, які днямі ў Маскве паразмаўляў з Міхаілам Касьянавым. Чым тады тлумачыцца перадсьвяточная гістэрыка беларускага прэзыдэнта? Эмоцямі. І неінфармаванасьцю: падманваюць бацьку, ну што зробіш. Акрамя таго Беларусі патрэбны газ. Патрэбны як бы там не было – сваю газпрамаўскую квоту у 10,2 млрд. кубамэтраў наш вялікі заходні сусед выбраў яшчэ два тыдні таму. Без новых дамоўленасьцяў 12 лістапада а 10.00 па маскоўскім часе падыйшоў час “Х” – з сталага партнёра, які нязначна затрымаў выплаты, Беларусь ператваралася ў выкрадальніка, які незаконна адбірае расейскі газ. Цяпер усё залежыла не ад пагроз Менску, а ад добрай волі Масквы.
Аляксандар Лукашэнка заявіў, што напоўніць Эўропу нелегальнымі імгрантамі, калі не атрымае ўязную візу ў Чэхію для ўдзелу ў саміце НАТО, які пройдзе ў Празе на наступным тыдні, піша сёньня Daily Telegraph. Заходнія дыпляматы сказалі, што аўтакратычны лідэр ня будзе запрошаны на саміт, і да гэтага часу Чэхія адмаўлялася даць яму ўязную візу.
Найбольш верагоднай датай будучых выбараў у мясцовыя Саветы зьяўляецца 2 сакавіка 2003 году. Пра гэта паведаміла 13 лістапада старшыня Цэнтральнай камісіі Рэспублікі Беларусь па выбарах і правядзеньню рэспубліканскіх рэферэндумаў Лідзія Ярмошына, выступаючы ў Менску на паседжаньні Рады Беларускай канфэдэрацыі прамыслоўцаў і прадпрымальнікаў. Ярмошына таксама заявіла, што к канцу лістапада Аляксандар Лукашэнка павінен падпісаць указ аб прызначэньні выбараў.
Бюро камісарыяту ААН па справах уцекачоў выказала занепакоенасьць тым, што літоўскія памежнікі не ўпусьцілі ў краіну і вярнулі ў Беларусь дзьве групы чачэнцаў, якія намераваліся прасіць прытулку ў Літве.
Столькі подласьцяў Лукашэнка ўжо проста ня мог вытрымаць. Калі Масква ў пачатку месяца перакрыла газавы вентыль, у дыктатара ў Менску, цяжкія псыхічныя адхіленьні якога адзначаюць ня толькі тыя псыхіятры, што жывуць у эміграцыі, лопнула цярпеньне. На мінулым тыдні ў сваёй тырадзе амаль у 20 хвілін ён абвінаваціў сваёго калісьці любімага старэйшага брата ў Крамлі ва ўсіх сьмяротных грахах. Адмова расейскага канцэрну “Газпром” працягваць забясьпечваць яго рэспубліку танным газам – гэта палітычнае рашэньне, заявіў Лукашэнка. “Пришло время сказать правду. Давление, которое оказывается в последнее время, на меня в частности, неслыханно.”
Так называецца міжнародная канфэрэнцыя, якая пройдзе сёньня ў сталіцы Злучаных Штатаў Амэрыкі – Вашынгтоне. Канфэрэнцыя арганізаваная “Новай Атлянтычнай Ініцыятывай”. Сустрэча, якая пройдзе ў Амэрыканскім інстытуце прадпрымальніцтва, прыцягне ўвагу да рэпрэсіяў і парушэньняў правоў чалавека ў Беларусі. У канфэрэнцыі “Вось зла – прапушчанае зьвяно” ад Беларусі ўдзел будуць прымаць старшыня БСДГ Станіслаў Шушкевіч, лідэр АГП Анатоль Лябедзька, старшыня БНФ “Адраджэньне” Вінцук Вячорка, міжнародны каардынатар “Хартыі’97” Андрэй Саньнікаў, жонка зьніклага бязь вестак Ірына Красоўская. Плянуецца, што на канфэрэнцыі будзе выступаць вядомы амэрыканскі сэнатар-рэспубліканец Джон МакКейн.
Паводле зьвестак чэскага інфармацыйнага агенцтва ЧТК, Аляксандар Лукашэнка і яго атачэньне могуць трапіць у сьпіс асобаў, якім краіны Эўразьвязу ня будуць выдаваць візы. Як паведамляе ЧТК, гэтымі днямі кіруючыя оганы Рады Эўрапейскага Зьвязу рыхтуюць адпаведны дакумэнт, які ў пачатку наступнага тыдня будзе прапанаваны для ўхваленьня міністрам замежных спраў краін Эўразьвязу. Нагадаем, што ўчора прэсавы сакратар прэзыдэнта Ладзіслаў Шпачак заявіў, што Вацлаў Гавэл не плянуе сустракацца з Аляксандрам Лукашэнкам, нават калі яму ўдасца атрымаць чэскую візу. Рэзалюцыя магла б спрасьціць рашэньне дылемы, перад якой зараз стаіць Прага – выдаць ці ня выдаць візу Аляксандру Лукашэнку для прыезду на саміт НАТО.
У НАТО лічаць, што прэзыдэнты Беларусі і Ўкраіны могуць прыехаць на НАТОўскі саміт у Празе, але ім ня варта разьлічваць на сардэчны прыём, паведамляе карэспандэнт РІА "Новости". Высокапастаўлены натаўскі дыплямат, які выступаў у сераду на брыфінгу на ўмове ананімнасьці, падкрэсьліў, што Паўночнаатлянтычны альянс зразумела заявіў аб непажаданасьці бачыць у Празе Аляксандра Лукашэнку, “бо ягоныя дзеяньні не адпавядаюць духу партнёрства з НАТО”. Што тычыцца Леаніда Кучмы, то ў НАТО “ёсьць праблемы даверу” да яго.
Кіраўнік Беларусі, нягледзячы на супраціўленьне чэскіх уладаў, намераваецца прыехаць 21 лістапада ў Прагу на саміт НАТО. Ён патрабуе ад чэхаў тэрміновай выдачы яму ўязной візы. А прадстаўнікі НАТО прапанавалі чэхам не выдаваць Лукашэнку візу, нават калі гэтае рашэньне прывядзе да разрыву дыпляматычных зносінаў.
Сустрэча прадстаўнікоў Ірыны Красоўскай – юрыстаў БХК Гары Паганяйлы і Алега Гулака - зь міністрам унутраных справаў Уладзімерам Навумавым адбылася ўчора ў Менску. Сустрэча праходзіла ў рамках папярэдняй дамоўленасьці паміж Ірынай Красоўскай і кіраўніцтвам МУС аб асабістай размове зь міністрам адносна факту гвалтоўнага зьнікненьня ейнага мужа Анатоля Красоўскага, а таксама Віктара Ганчара, паводле якога распачатая крымінальная справа і вядзецца расьследаваньне пракуратурай г.Менску.
Кіраўнік Беларусі лічыць недальнабачнай палітыку, накіраваную на тое, каб “построить или согнуть Лукашенко с помощью газового вентиля”. Пра гэта Аляксандар Лукашэнка заявіў у сераду падчас адкрыцьця газапроваду, праведзенага ў горад Лунінец (Берасьцейская вобласьць).
Аляксандар Лукашэнка лічыць рашэньне кіраўніцтва Польшчы не пускаць на сваю тэрыторыю расейскіх грамадзян – нараджэнцаў Чачэніі - “политическим”. У інтэрвію журналістам у сераду Лукашэнка паведаміў, што беларускі бок ведаў пра тое, што “еще месяц назад демократическое руководство Польши, в кавычках, отдало команду блокировать на своих границах выходцев из Кавказского региона и не пускать их на территорию Польши”. Лукашэнка абураны тым, што “на вокзалах посадили полторы сотни российских граждан, а посол России и консул молчат, будто бы им нет до этого дела”.
Аляксандру Лукашэнку не падабаюцца дамоўленасьці Расеі і Эўразьвязу па Калінінграду, перадае карэспандэнт РІА "Новости". У размове з журналістамі падчас паездкі ў Лунінец, Лукашэнка заявіў, што, на яго думку, канчатковай дамоўленасьці адносна Калінінградзкай вобласьці няма. Ён лічыць неістотным тое, што віза будзе каштаваць таньней.
Судовыя слуханьні па справе былога начальніка Беларускай чыгункі (БЧ) Віктара Рахманько пачнуцца 14 лістапада ў Вярхоўным судзе рэспублікі. Як паведамілі карэспандэнту БЕЛТА у прэсавай службе суда, Віктару Рахманько прад’яўлена абвінавачваньне ў зьдзяйсьненьні 15 злачынстваў. Былы кіраўнік БЧ абвінавачваецца, у прыватнасьці, у раскраданьні, а таксама ў атрыманьні хабараў.
Судзьдзём Кіеўскага Апеляцыйнага суда Юры Васіленкам супраць прэзыдэнта Ўкраіны Леаніда Кучмы распачатая яшчэ адна крымінальная справа. Пра гэта, як перадае карэспандэнт РІА "Новости", паведаміў у сераду на прэсавай канфэрэнцыі ў Кіеве сам Юры Васіленка.
Жыхары сталіцы не надалі вялікай увагі "паліўнаму" скандалу між Масквой ды Менскам. Яны паверылі прэзыдэнту, што зімою ў іхных кватэрах будзе цёпла й ўтульна. Разам з тым - на ўсялякі выпадак - многія маюць электрычныя радыятары, якімі думаюць скарыстацца ў выпадку, калі батарэі ацяпленьня стануць халоднымі.
Скарачэньне тэрміну тэрміновай службы ў Беларусі на дадзеным этапе не прадугледжваецца, заявіў на паседжаньні сэсіі “палаты прадстаўнікоў” у чацьвер міністар абароны Леанід Мальцаў.
Ажыцьцяўляецца тое, пра што так доўга казалі недзяржаўныя СМІ, – павышэньне тарыфаў на жыльлёва-камунальнае абслугоўваньне й павелічэньне платы за цяпло нашмат абагналі рост заробкаў і пэнсіяў насельніцтва. Некаторыя адзінокія ветэраны працы зараз вымушаныя аддаваць за сваю, дарэчы, прыватызаваную кватэру палову, а то і болей, бюджэту. Працаваў такі дзядок усё сваё жыцьцё на дабрабыт роднай дзяржавы і заслужыў сабе вялікае дабро – кватэру. Але як сёньня за сабой яе ўтрымаць, калі пэнсія – 82 тысячы, а за двухпакаёвыя “харомы” трэба плаціць 40 тысяч, за трохпакаёвыя – усе шэсьцьдзесят? І становяцца былыя ўдарнікі камуністычнай працы, заслужаныя настаўнікі, дактары і чыгуначнікі злоснымі неплатнікамі жыльлёва-камунальных паслуг, а за кватэру трэба плаціць раз у месяц, а есьці хочацца кожны дзень. Старанныя работнікі ЖЭСаў адключаюць у такіх кватэрах сьвятло, вывешваюць сьпісы прозьвішчаў “парушальнікаў”, не выдаюць даведак, пакуль не разьлічышся за жыльлё і г.д.
Вытворчасьць піва ў Беларусі павялічыцца да 2005 году больш чым удвая – зь цяперашніх 21,8 млн. дэкалітраў да 45,5 млн. дэкалітраў. Як перадае карэспандэнт РІА "Новости", адпаведная праграма разьвіцьця піваваранай галіны Беларусі на 2003-2005 гады ўхваленая ўрадам рэспублікі.
Пастаўкі МДК "Итера" ў Беларусь складаюць да 30% газавага балянсу рэспублікі. Як паведамляе прэсавая служба “Итеры”, 12 лістапада Аляксандар Лукашэнка прыняў у Менску кіраўніка Міжнароднай групы кампаніяў “Итера” Ігара Макарава. У часе сустрэчы Лукашэнка высока ацаніў вынікі супрацоўніцтва Беларусі з МДК “Итера” у газавай галіне, якое ажыцьцяўляецца з 1997 году. Адзначаліся станоўчыя вынікі дзейнасьці “Итеры” па рэалізацыі прыроднага газу беларускім спажыўцам. У агуле за 5 гадоў працы на газавым рынку рэспублікі “Итера” паставіла ў Беларусь звыш 20 млрд.куб. м “блакітнага паліва”. Кіраўнік Беларусі і кіраўнік МДК “Итера” абмеркавалі пэрспэктывы рэалізацыі сумесных узаемавыгадных праектаў у газавай галіне і іншых сфэрах у 2003г.
Прадстаўнік Мінэканомікі Беларусі заявіў, што да канца сьнежня адбудзецца аўкцыён аб продажу 10,83% акцыяў “Славнефти”. Паводле чыноўніка, “для нас больш выгадна апярэдзіць урад РФ. У супрацьлеглым выпадку мы можам і не атрымаць нармальную суму”.
Беларусь пакуль не зьбіраецца прадаваць 10,86% акцыяў НДК “Славнефть”. Пра гэта РБК паведаміла высокапастаўленая крыніца ў Мінэканомікі Беларусі. “Беларусь будзе кіраваць сваім пакетам акцыяў гэтай кампаніі”, - адзначыла крыніца.
, iнформэр
