Супраць Кучмы распачалі яшчэ адну крымінальную справу :: Хартыя'97 :: Навiны

Судзьдзём Кіеўскага Апеляцыйнага суда Юры Васіленкам супраць прэзыдэнта Ўкраіны Леаніда Кучмы распачатая яшчэ адна крымінальная справа. Пра гэта, як перадае карэспандэнт РІА "Новости", паведаміў у сераду на прэсавай канфэрэнцыі ў Кіеве сам Юры Васіленка.

Паводле ягоных словаў, другая справа адкрытая ў сувязі з тым, што кіраўнік украінскай дзяржавы Леанід Кучма ня выканаў пастанову Апеляцыйнага суда ад 1 кастрычніка, якой яму прадпсівалася цягам пяці дзён падпісаць законы аб габінэце міністраў Украіны і аб часовых сьледчых камісіях Вярхоўнай Рады.
Прэзыдэнт Украіны Леанід Кучма не падпісаў закон аб урадзе, нягледзячы на тое, што ўкраінскі парлямэнт ужо двойчы пераадольваў вета на дадзены закон. Што тычыцца вета, накладзенага на закон аб часовых сьледчых камісіях Вярхоўнай Рады, то прэзыдэнт прапусьціў тэрміны і накіраваў у парлямэнт свае прапановы з спазьненьнем.
Першая крымінальная справа супраць Леаніда Кучмы была распачатая судзьдзём Юры Васіленкам 15 кастрычніка. Прэзыдэнт Украіны абвінавачваўся па аддзінаццаці артыкулах Крымінальнага кодэксу.
Кіраўніку ўкраінскай дзяржавы інкрымінуецца раскраданьне дзяржаўных сродкаў у часе яго знаходжаньня на пасадзе прэм’ер-міністра Ўкраіны ў 1993 годзе, атрыманьні хабару аб былога прэм’ер-міністра Паўла Лазарэнкі, які зараз знаходзіцца пад сьледзтвам у адной з амэрыканскіх турмаў па абвінавачваньні ў адмыцьці грошай у банках ЗША.
Кучма таксама абвінавачваецца ў датычнасьці да арганізацыі зьнікненьня ўкраінскага журналіста Георгія Гангадзэ і іншых парушэньнях закону.