Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
ААН занепакоеная тым, што Літва не прымае і вяртае ў Беларусь чачэнцаў 12:35, 14/11/2002
Бюро камісарыяту ААН па справах уцекачоў выказала занепакоенасьць тым, што літоўскія памежнікі не ўпусьцілі ў краіну і вярнулі ў Беларусь дзьве групы чачэнцаў, якія намераваліся прасіць прытулку ў Літве.
“Літоўскія ўлады парушылі прынцып невяртаньня тых, хто просіць прытулак. Гэта замацавана ў літоўскім законе аб прававым становішчы замежнікаў і ў міжнароднай канвэнцыі аб уцекачах ад 1951 году, і нават не пачалі разгляд працэдуры пытаньня аб наданьні статусу ўцекача”, - адзначылі ў Бюро камісарыяту ААН па справах уцекачоў. Тут таксама выказалі закляпочанасьць адносна “больш жорсткіх умоваў для атрыманьня прытулку для асобаў, якія прыяжджаюць з рэгіёнаў узброеных канфліктаў і іншых зонаў нестабільнасьці”. ААН расцэньвае гэтыя дзеяньні літоўскіх уладаў як крок назад у рэалізацыі міжнародных стандартаў.
