Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Улады Чэхіі прынялі рашэньне не выдаваць уязную візу Аляксандру Лукашэнку для ўдзелу ў саміце НАТО ў Празе. Пра гэта, як перадае карэспандэнт РІА "Новости", паведаміў у пятніцу віцэ-прэм’ер, кіраўнік чэскага МЗС Цырыл Свобада, выступаючы на экстранай прэсавай канфэрэнцыі. Ён адзначыў, што такое рашэньне Прага прыняла пасьля доўгіх кансультацыяў з партнёрамі па НАТО. Паводле міністра, гэтыя “кансультацыі зацягнуліся” ў сувязі з тым, што Прага доўга ўзважвала наступствы прыняцьця такога рашэньня.
Інфармацыяй пра тое, што кіраўнік Беларусі можа пазбавіцца права на наведваньне краін-членаў Эўразьвязу, падзяліліся з прадстаўнікамі СМІ супрацоўнікі эўрапейскіх замежнапалітычных арганізацыяў у Брусэлі, што пажадалі застацца невядомымі. Паводле дадзеных дыпляматычных крыніц “крымінальная справа” Аляксандра Лукашэнкі будзе разглядацца на сумесным паседжаньні міністраў замежных справаў ЭЗ, якое адбудзецца ў бельгійскай сталіцы 18-19 лістапада, перадае агенцтва France Presse. Калі такое рашэньне будзе прынятае, забарона на ўезд у краіны Эўразьвязу закране ня толькі кіраўніка Беларусі, але і ўсіх беларускіх міністраў і іх намесьнікаў.
Менскія ўлады нечакана зьмянілі сваё рашэньне і дазволілі апазыцыі правесьці 17 лістапада вулічную акцыю “За незалежнасьць”. Аднак сярод арганізатараў акцыі няма згоды ў справе маршруту шэсьця. Маладыя апазыцыянэры заяўляюць, што ўсё роўна павядуць калёну да Опэрнага тэатру.
Візу прэзыдэнту Ўкраіны Леаніду Кучме для паездкі ў Чэхію могуць выдаць у найкароткі тэрмін. Пра гэта, як паведамляе РІА "Новости", гаворыцца ў распаўсюджанай у пятніцу заяве амбасады Чэхіі ў Кіеве.
15 лістапада расейская тэлекампанія “НТВ-плюс” зьвярнулася ў Гаспадарчы суд Менску з зыскам да Нацыянальнай дзяржаўнай тэлерадыёкампаніі Рэспублікі Беларусь у сувязі з грубым парушэньнем НДТРК аўтарскіх і сумежных правоў ЗАТ “НТВ-Плюс”.
Дамоўленасьці паміж Беларусяй і АБСЭ могуць “істотна зьмяняцца” праз рашэньне Рады НАТО аб непажаданасьці ўдзелу беларускай дэлегацыі ў саміце Рады Эўраатлянтычнага партнёрства (РЭАП). Пра гэта, як паведамляе “Медиафакт”, на прэсавай канфэрэнцыі ў чацьвер у Менску заявіў міністар замежных справаў Беларусі Міхаіл Хвастоў.
Канцылярыя прэзыдэнта Чэхіі катэгарычна абвергла абвінавачваньні Менску ў тым, што Вацлаў Гавэл, нібыта, асабіста загадаў не выдаваць уязную візу Аляксандру Лукашэнку. Пра гэта ў чацьвер у інтэрвію РІА "Новости" заявіў прэсавы сакратар кіраўніка дзяржавы Ладзіслаў Шпачак.
Беларусь не пасьпела разабрацца ў адносінах зь найблізкім сюзьнікам з-за паставак газу, як апынулася ў цэнтры міжнароднага скандалу. Аляксандра Лукашэнку не жадаюць бачыць на саміце НАТО і пасежданьні Рады Эўраатлянтычнага партнёрства (РЭАП), якія будуць праходзіць у Празе 20-21 лістапада. А таму да гэтага часу яму не ўдаецца атрымаць чэскую візу, што выклікае ў яго натуральную злосьць і правакуе на антызаходнюю рыторыку. Пра тое, як сытуацыя зь візытам беларускай дэлегацыі бачыцца ў Празе, наш карэспандэнт размаўляе з Аляксандрам Вандрам – прадстаўніком чэскага ўраду, адказным за падрыхтоўку саміту НАТО.
Учора ў Варшаве пачалося паседжаньне Рады Партыі эўрапейскіх сацыялістаў. У паседжаньні бяруць удзел шэраг прэм’ер-міністраў, парлямэнтараў і лідэраў сацыял-дэмакратычных, сацыялістычных і рабочых партыяў краінаў Эўропы. Сярод дэлегатаў форуму і беларускія сацыял-дэмакраты – старшыня Аб’яднанай сацыял-дэмакратычнай партыі Валянціна Палевікова і лідэр Беларускай сацыял-дэмакратычнай партыі (Народная Грамада) Мікола Статкевіч. Лідэр БСДП НГ Статкевіч заклікаў эўрапейцаў дазволіць Лукашэнку прыехаць у Прагу на саміт НАТО.
Пытаньне перасоўваньня грамадзян Расеі з Калінінградзкай вобласьці на матэрыковую частку Расеі “ня вырашанае адэкватным чынам”. Такі пункт погляду, як паведамляе “Медиафакт”, адказваючы на пытаньні журналістаў, у чацьвер у Менску выказаў кіраўнік беларускага замежнапалітычнага ведамства Міхаіл Хвастоў. Хвастоў перакананы, што праблема ня можа быць вырашаная без удзелу Беларусі, “бо Беларусь зьяўляецца важным транзытным складнікам”. Акрамя таго, міністар мяркуе, што Расея, перш чым заключыць дамову аб рэадмісіі (вяртаньне нелегальных мігрантаў – “МФ”) з Эўразьвязам, павінна заключыць яго зь Беларусяй.
У Менск з трохдзённым візытам прыбыў прадстаўнік маскоўскага бюро Міжнароднай арганізацыі працы Стэн Тофт Пэтэрсан. Візыт праходзіць у рамках праекту МАП па абароне правоў працоўных, разьвіцьцю дэмакратыі і эканамічных рэформаў, які рэалізоўваецца ў Беларусі зь лютага гэтага году, перадае БелаПАН. Пэтэрсан сустрэнецца з прадстаўнікамі розных прафсаюзных аб’яднаньняў рэспублікі, у тым ліку 15 лістапада – з старшынём Федэрацыі прафсаюзаў Беларускай Леанідам Козікам.
Канфэрэнцыя “Вось зла: прапушчанае зьвяно” пачалася ўчора ў Вашынгтоне. Канфэрэнцыю адкрыў Сэм Гэйдэнсан, былы амэрыканскі кангрэсмэн, аўтар шматлікіх законапраектаў па Беларусі. Кангрэсмэн ад партыі рэспубліканцаў, сустаршыня Гэльсынскай камісіі ЗША Крыстафэр Сьміт выступіў перад дэлегатамі канфэрэнцыі з прамовай аб складанай сытуацыі з правамі чалавека і дэмакратыяй у Беларусі. З заключным дакладам выступіў вядомы амэрыканскі сэнатар-рэспубліканец Джон МакКейн. Перад удзельнікамі канфэрэнцыі таксама выступілі амбасадар ЗША ў Беларусі Майкл Козак, былы кіраўнік Кансультатыўна-назіральнае групы АБСЭ ў Менску Ганс-Георг Вік, міжнародны каардынатар “Хартыі’97” Андрэй Саньнікаў, дырэктар радыё “Свабода” Том Дайн і іншыя.
У прынцыпе, ні для каго не было сакрэтам, што менскі выставачны цэнтар “Аквабэл” рыхтуецца да закрыцьця і пераезду ў кастрычніку (“Вечерний Минск” пісаў пра гэта яшчэ вясной). Ведалі пра гэта і прадпрымальнікі, якія арэндавалі там плошчы. Так чаму ж паведамленьне адміністрацыі пра тое, шо ім належыць спыніць працу з 6 лістапада, выклікала такую буру эмоцыяў?
Папярэднія разьлікі паказваюць, што кошт “беларускага” пакету акцыяў АТ НДК “Славнефть” у 200 млн. даляраў зьяўляецца завышаным. Так, паводле паведамленьня ІА "Росбалт", пракамэнтаваў паведамленьні аб намеры Беларусі прадаць сваю долю ў расейска-беларускай кампаніі прэсавы сакратар кампаніі “Сибнефть” Аляксей Фірсаў.
Дэлегацыя ААТ “Сургутнефтегаз” на чале з генэральным дырэктарам Уладзімерам Багданавым у бліжэйшыя два дні наведае Беларусь для перамоваў з кіраўніцтвам рэспублікі аб прыватызацыі беларускіх нафтахімічных прадпрыемстваў. Як паведаміла РБК крыніца, блізкая да працэсу перамоваў, схема прыватызацыі нафтахімічных беларускіх прадпрыемстваў практычна цалкам падрыхтаваная, аднак ёсьць неабходнасьць у абмеркаваньні некаторых тэхнічных дэталяў. Падчас візыту дэлегцыі “Сургутнефтегаза” ў Беларусь адбудзецца сустрэча У.Багданава і прэзыдэнта Беларусі Аляксандра Лукашэнкі.
Крымінальную справу адносна службовых асобаў маскоўскага ААТ “Юнион Импекс” распачала пракуратура Гарадзенскай вобласьці, паведамляе газэта Советская Белоруссия. Паводле матэрыялаў сьледзтва, расейскія прадпрымальнікі ў 2001 годзе без рэгістрацыі прадстаўніцтва ў якасьці падаткаплатнікаў ажыцьцяўлялі фінансава-гаспадарчую дзейнасьць на тэрыторыі Беларусі. Прасьцей кажучы, выраблялі і рэалізоўвалі абутак. Як паведамілі ў прэсавым цэнтры Камітэту дзяржаўнага кантролю, у выніку даход бізнэсоўцаў склаў больш за 22 мільёны рублёў.
, iнформэр
