Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Чэхія выдасьць Кучме візу ў самы кароткі тэрмін 12:25, 15/11/2002
Візу прэзыдэнту Ўкраіны Леаніду Кучме для паездкі ў Чэхію могуць выдаць у найкароткі тэрмін. Пра гэта, як паведамляе РІА "Новости", гаворыцца ў распаўсюджанай у пятніцу заяве амбасады Чэхіі ў Кіеве.
Амбасада таксама абвергла інфармацыю, якая была распаўсюджана напярэдадні некаторымі СМІ, пра тое, што нібыта скончыўся тэрмін падачы прэзыдэнтам Украіны заяўкі на атрыманьне візы ў Чэхію для ўдзелу ў саміце НАТО 21-22 лістапада. У заяве амбасады адзначаецца, што візу Леаніду Кучме для паездкі ў Чэхію на саміт НАТО выдадуць у найкароткі тэрмін, у тым ліку і ў дзень падачы заяўкі ўкраінскім бокам.
