Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Беларусі 16 лістапада ўступіў у сілу новы закон аб рэлігіі, паведамляе Кестанская Служба навінаў. З гэтага часу ўся незарэгістраваная рэлігійная дзейнасьць стала нелегальнай: усе супольнасьці, якія маюць меней за 20 сябраў, нелегальныя і ня могуць функцыянаваць, любая рэлігійная дзейнасьць у прыватных дамах таксама нелегальная, рэлігійныя супольнасьці без рэгістрацыі зараз ня могуць запрашаць замежных грамадзян для рэлігійнай дзейнасьці ці кіраваць рэлігійнымі адукацыйнымі ўстановамі, уся рэлігійная літаратура падлягае абавязковай цэнзуры. Шэраг рэлігійных супольнасьцяў ужо заявілі пра свой намер ігнараваць гэты закон.
Аляксандар Лукашэнка раскрытыкаваў дзейнасьць расейскіх СМІ, якія “абсолютно не дали позицию белорусского народа, руководства по очень чувствительным моментам”. “Все тенденциозно, и все делается для того, чтобы поссорить наши народы. Это все бесполезно и у нас есть достаточно каналов, чтобы до каждого россиянина донести политику, проводимую в Беларуси”, -- заявіў Лукашэнка ў панядзелак, пры сустрэчы ў Менску са старшынём Дзярждумы Расеі Генадзем Селязьнёвым.
“Сегодня российское руководство может допускать компромиссы на Кубе, в Северной Азии, кавказских республиках, даже с Украиной, но Беларусь тот рубеж, что России отступать некуда”. “Россия не имеет права этого делать, даже несмотря на давление со стороны западных государств”, -- заявіў у панядзелак Аляксандар Лукашэнка на сустрэчы са сьпікерам Дзяржаўнай Думы Генадзем Селязьнёвым.
Эўразьвяз можа забараніць уезд у яго краіны Аляксандру Лукашэнку і шэрагу іншых беларускіх дзяржаўных дзеячоў. Гэтае пытаньне будзе абмяркоўвацца на сустрэчы міністраў замежных справаў краін ЭЗ, якая адбудзецца ў наступны аўторак у Брусэлі. Паводле дадзеных агенцтва ЭФЭ, ужо падрыхтаваны сьпіс, куды акрамя кіраўніка дзяржавы ўключаныя міністры беларускага ўраду і іх намесьнікі, кіраўнікі прэзыдэнцкай адміністрацыі, дзяржаўнай тэлевізіі і шэраг іншых афіцыйных асобаў.
Петыцыя з патрабаваньнем правесьці законнае расьсьледаваньне прычын зьнікненьня ў Беларусі вядомых палітыкаў і грамадзкіх дзеячоў накіраваная Аляксандру Лукашэнку Сусьветным форумам Садружнасьці няўрадавых арганізацыяў дэмакратычных краін. Свае подпісы пад зваротам паставілі прадстаўнікі больш чым 100 краін сьвету.
так называлася акцыя, якую 17 лістапада правяла арганізацыя “Зьвяз беларусаў замежжа”. Беларусы, якія сёньня пражываюць у Чэхіі, сабраліся ў цэнтры Прагі на Вацлаўскім пляцу зь бел-чырвона-белымі сьцягамі і плякатамі: “Беларусь у Эўропу”, “Беларусь у НАТО”, “Стоп расейскай акупацыі”, “Не-дыктатарскаму рэжыму Лукашэнкі”, каб выказаць салідарнасьць з дэмакратычнай апазыцыяй у Беларусі.
Адмаўляцца сёньня камусьці ў візе і спрабаваць тым самым ізаляваць яго – гэта “перажыткі мінулага і пэрыяду халоднай вайны”. Так пракамэнтаваў у суботу вечарам у тэлепрагараме “Зеркало” міністар замежных справаў Расеі Ігар Іваноў адмову чэскіх уладаў выдаць уязную візу Аляксандру Лукашэнку.
Міністэрства замежных справаў Рэспублікі Беларусь расцэньвае адмову чэскага боку забясьпечыць выдачу віз афіцыйнай дэлегацыі Рэспублікі Беларусь для ўдзелу ў саміце Рады Эўраатлянтычнага партнёрства (Прага, 21-22 лістапада 2002 году) як грубае парушэньне дамоўленасьцяў РЭАП аб праве кожнай дзяржавы самастойна вызначаць узровень свайго прадстаўніцтва на саміце. Пра гэта гаворыцца ў заяве МЗС Беларусі, распаўсюджанай 16 лістапада.
Сьпікер Дзярждумы Генадзь Селязьнёў мае намер наведаць у панядзелак Менск і сустрэцца з Аляксандрам Лукашэнкам. Пра гэта старшыня ніжняй палаты расейскага парлямэнту заявіў на прэсавай канфэрэнцыі ў Маскве.
Часовым даверчым у справах Беларусі ў Чэхіі прызначаны Мікалай Барысевіч. Пра гэта 16 лістапада ў Менску паведаміў журналістам прэсавы сакратар МЗС Беларусі Павал Латушка.
НАТО пакуль трымаецца абвешчанай пазыцыі адносна магчымага прыезду прэзыдэнта Ўкраіны Леаніда Кучмы на саміт альянсу ў Прагу – было б лепей, калі б ён устрымаўся ад удзелу ў гэтай сустрэчы.
На так званы “режым пратапленьня” пераведзеныя каля 460 аб`ектаў сацкультбыту і адміністратыўных будынкаў Берасьцейскай вобласьці, зь іх у Берасьці - 52. Паралельна з гэтым некалькі зьнізілася і тэмпература ў жылым сэктары вобласьці.
Грамадзкасьць Калінкавіцкага раёну намерваецца праз суд дабівацца вяртаньня чарнобыльскіх ільгот. Пра гэта БелаПАН паведаміў старшыня Калінкавіцкага грамадзкага аб’яднаньня прасьветы “Грамадзтва і мы” Ўладзімер Чашун. Паводле яго, аб’яднаньне “вітае рашэньне Савету міністраў “у парадку выключэньня да канца году правесьці бясплатнае аздараўленьне дзяцей Калінкавіцкага раёну”. “Але адсутнасьць адказаў на канкрэтныя пытаньні, выкладзеныя ў зваротах да ўраду і прэзыдэнта, у выніку, прымусіць жыхароў раёну зьвяртацца ў суд і міжнародныя арганізацыі для адмены пастановы Савету міністраў, згона якому горад Калінкавічы і восем населеных пунктаў раёну “аб’яўленыя чыстай зонай”, -- сказаў Чашун.
Улады Пінску ўпершыню ў сваёй практыцы прымянілі магчымасьці дзейнага заканадаўства ў частцы высяленьня з кватэр неплацельшчыкаў за камунальныя паслугі.
У канцы мінулага тыдня ўрад Беларусі апярэдзіў расейскіх арганізатараў 74,95% пакету ОАТ “Нафтагазавая кампанія “Славнефть” і прыняў рашэньне аб тэрміновым продажы свйго пакету акцыяў у сумеснай кампаніі — 10,83%. Таргі па ім пачнуцца на ОАТ “Беларуская валютна-фондавая біржа” з 22 лістапада і індыкатыўнага кошту ў 200 млн. даляраў. І вось ужо да 31 сьнежня сёлетняга году новы ўладальнік гэтага пакету павінен пералічыць у беларускі бюджэт гэтую суму і звыш таго, што ўдасца беларусам атрымаць на таргах . Экспэрты прагназуюць, што гэта “звыш таго” можа атрымацца дастаткова важкім.
Беларускі бок ня бачыць перашкодаў для стварэньня на базе дзяржаўнага канцэрну “Белтрансгаз” сумеснай газатранспартнай беларуска-расейскай арганізацыі ў выглядзе акцыянэрнага таварыства. Пра гэта, як перадае карэспандэнт РІА "Новости", заявіў у суботу кіраўнік канцэрну “Белтрансгаз” Пётар Петух, прапаноўваючы беларускім “парлямэнтарам” прыняць папраўкі ў закон “Аб аб’ектах, якія знаходзяцца толькі ва ўласнасьці дзяржавы”. У прыватнасьці, размова ідзе пра зьняцьце абмежаваньняў на акцыянаваньне аб’ектаў у газазабесьпячэньні: газаразьмеркавальных станцыяў і пунктаў падземных ёмкасьцяў і сховішчаў прыроднага газу.
Рада дырэктараў “Славнефти” зацьвердзіла пагадненьне, у выніку якога кампанія пазбавіцца адразу некалькіх сьвідравін нафты. Паводле ацэнак эскпэртаў, гэта прывядзе да таго, што кошт кампаніі спадзе больш чым на $100 млн. У выніку расейскі і беларускія бюджэты недалічацца значных сумаў.
У кастрычніку сёлетняга году распачаўся канфлікт паміж полацкімі й наваполацкімі прадпрымальнікамі і дзяржаўнымі органамі ўлады. Справа даходзіла да спыненьня дзейнасьці зь няўплатай падаткаў і ставак за гандлёвыя месцы. У сувязі з гэтым прадпрымальнікі выступілі з адмысловай заявай. У ёй прычынай канфлікту названыя непрадуманыя нарматыўныя акты адносна малога бізнэсу, якія вядуць да масавага разарэньня прадпрымальнікаў.
, iнформэр
