Праблемы з газам зьведаюць усе :: Хартыя'97 :: Навiны

На так званы “режым пратапленьня” пераведзеныя каля 460 аб`ектаў сацкультбыту і адміністратыўных будынкаў Берасьцейскай вобласьці, зь іх у Берасьці - 52. Паралельна з гэтым некалькі зьнізілася і тэмпература ў жылым сэктары вобласьці.

У раённых цэнтрах ажыцьцяўляецца пераход на жорсткі графік падачы гарачай вады ў жылыя дамы. Такое рашэньне прынята ў сувязі з праблемамі, якія ўзьніклі з пастаўкамі ў краіну газу. Прычым, як адзначаюць у вытворчым упраўленьні жыльлёва-камунальнай гаспадаркі Берасьцейскай вобласьці, такі рэжым можа захавацца да канца ацяпляльнага сэзону, незалежна ад сытуацыі з пастаўкамі газу.
Прынятыя меры дазваляюць зьнізіць спажываньне газу на 20 адсоткаў і кожныя суткі эканоміць больш за 300 тысяч кубамэтраў паліва. Аднак, у выпадку паніжэньня тэмпературы на вуліцы расходы газу павялічацца, паведамляе БелаПАН. Паводле інфармацыі прадпрыемства “Аблгаз”, у Берасьцейскай вобласьці няма пазык за газ за 10 месяцаў сёлетняга году. У агуле вобласьць павінна за раней спажыты газ каля Usd 1,7 млн. Асноўны даўжнік – упраўленьне жыльлёва-камунальнай гаспадаркі.