Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Намесьнік кіраўніка місіі ЗША пры Сталай радзе АБСЭ Дуглас Дэвідсан 14 лістапада выступіў перад гэтай структурай з чарговай заявай па Беларусі. Амэрыканскі дыплямат яшчэ раз нагадаў Сталай радзе АБСЭ пра крызыс вакол знаходжаньня ў Беларусі Кансультатыўна-назіральнай групы АБСЭ, пагаршэньні сытуацыі з правамі чалавека, абмежаваньні рэлігійнай свабоды, няздольнасьці краіны адпавядаць прынцыпам Эўраатлянтычнага супрацоўніцтва. Акрамя таго, намесьнік кіраўніка місіі ЗША ў адзказ на нядаўнюю прапанову пасла Беларусі ў АБСЭ пачаць дыялёг, нагадаў, што Злучаныя Штаты няспынна заклікаюць да такога дыялёгу ўжо шмат месяцаў. “Але, падобна на тое, што мы вядзем дыялёг з глухім”, -- падсумаваў Дэвідсан.
Цела, якое на думку міліцыі належыць зьнікламу дырэктару "Українських Новин" Міхаілу Каламійцу, было захаванае ў Беларусі. Пра гэта “Українським Новинам” паведаміў міністар ўнутраных справаў Юры Сьмірноў. Паводле ягоных словаў, рашэньне аб захаваньні было прынятае пасьля таго, як было знойдзенае цела беларусамі, якія ня здолелі яго апазнаць і захавалі як невысьветленую асобу. "Аднак мы ім давалі інфармацыю",— адзначыў міністр.
У Пэру арыштаваны Санцьяга Марцін Рывас, кіраўнік так званага “Эскадрону сьмерці”, які дзейнічаў у краіне ў пачатку 1990-гадоў. На яго рахунку – забойства 25 чалавек: па загаду Рываса 15 актывістаў левых партыяў былі расстраляныя ў 1991 годзе ў Ліме, а ў 1992 годзе -- дзевяць студэнтаў і іх выкладчык ва ўнівэрсытэце Кантута. Мяркуецца, што загад аб забойствах аддаваў былы прэзыдэнт Пэру Альбэрта Фухіморы.
Заплянаваны на сераду дзяржаўны візыт Аляксандра Лукашэнкі ў Кыргізію “пераносіцца па просьбе беларускага боку на больш позьні час”. Пра гэта карэспандэнту РІА "Новости" паведаміла ў аўторак намесьнік міністра замежных справаў Кыргізіі Лідзія Іманаліева.
Міністры замежных справаў ЭЗ на сустрэчы ў аўторак абмеркавалі магчымую забарону на ўезд у краіны Эўразьвязу Аляксандру Лукашэнку, а таксама 50 членам беларускага кіраўніцтва. Партугальскі міністар замежных справаў заблякаваў праект сваіх калег па ЭЗ аб забароне ўезду у эўрапейскія краіны Лукашэнку і іншым афіцыйным асобам Беларусі, паведамляе сайт NEWSru.com. Партугалія зараз ачольвае Арганізацыю па бясьпецы і супрацоўніцтву ў Эўропе. Між тым, як паведамляе НТВ, міністар замежных справаў Даніі Пэр Сьціг Мелер паведаміў, што абмеркаваньне пытаньня аб санкцыях супраць Беларусі атрымае працяг сёньня, на вячэрнім паседжаньні рады Міністраў ЭЗ.
Цела ўкраінскага журналіста Міхаіла Каламійца было знойдзена супрацоўнікамі беларускай міліцыі ў лесапаркавай зоне пад Маладэчна. Пра гэта “Медиафакту” паведаміў у аўторак прэсавы сакратар МУС Зьміцер Партон.
Паводле хадайніцтва Зінаіды Ганчар суд пачаў разгляд справы аб прызнаньні Віктара Ганчара бяз зьвестак адсутным. Падчас судовага разьбіральніцтва жонка зьніклага намесьніка старшыні Вярхоўнага Савету хоча праверыць, наколькі адпавядалі закону дзеяньні сьледчых у пошуках Віктара Ганчара.
У адказ на адмову ў візе для ўдзелу Аляксандра Лукашэнкі ў мерапрыемствах падчас праскага саміту НАТО, беларускія ўлады прыгразілі спыніць дыпляматычныя і гандлёвыя адносіны з Чэхіяй. Міністар замежных справаў Беларусі Міхаіл Хвастоў заявіў з гэтае нагоды: “Чэхі вывозяць у Беларусь больш, чым ідзе тавараў у зваротным накірунку. Пашукаем іншых партнёраў”. Аднак і без гэтых пагроз чэска-беларускія гандёвыя сувязі слабеюць з кожным годам, пішуць чэскія газэты. Асноўная прычына ў неплатаздольнасьці беларускага боку.
18 лістапада Зінаіда Ганчар, жонка зьніклага бяз вестак беларускага апазыцыйнага палітыка Віктара Ганчара, зьвярнулася зь лістом да старшыні “палаты прадстаўнікоў” Нацыянальнага сходу Беларусі Вадзіма Папова, ягонага намесьніка Ўладзімера Канаплёва й старшыні камсіі па правох чалавека, нацыянальных зносінах і СМІ Валеры Ліпкіна.
Аляксандру Лукашэнку і яшчэ некалькім дзясяткам прадстаўнікоў вышэйшага кіраўніцтва рэспублікі хутка ня будуць выдаваць візы для наведваньня дзяржаваў Эўразьвязу. Ужо абвешчана, што такое рашэньне будзе прынятае на саміце міністраў замежных справаў ЭЗ у Брусэлі. Як адзначалася, прычына ўвядзеньня санкцыяў – непавага кіраўніцтва Беларусі да дэмакратычных правоў.
Амбасада Беларусі ў Чэхіі катэгарычна абвергла паведамленьні заходніх СМІ аб тым, што афіцыйны Менск вырашыў байкатаваць саміт НАТО ў Празе. Пра гэта, як паведамляе РІА "Новости", заявіў у панядзелак на прэсавай канфэрэнцыі часовы даверчы ў справах Беларусі ў Чэхіі Мікалай Барысевіч.
Міністар абароны Беларусі Леанід Мальцаў ня будзе прымаць удзелу ў саміце Рады Эўраатлянтычнага партнёрства ў Празе 21-22 лістапада. Пра гэта “Медиафакту” заявіў у панядзелак начальнік прэсавага цэнтру беларускага вайсковага ведамства Леанід Захаранка.
18 лістапада падчас адкрыцьця ў Музэі гісторыі беларускай літаратуры ў Менску выставы, прысьвечанай летняй паводцы ў Чэхіі, часовы даверчы ў справах гэтай краіны ў Беларусі Алеш Фойцік пракамэнтаваў БелаПАН сытуацыю з адмовай Аляксандру Лукашэнкі ў візе для ўдзелу ў паседжаньні Рады Эўраатлянтычнага парнёрства.
Да гарадзенскага журналіста Андрэя Мялешкі дахаты прыйшоў лейтэнант міліцыі Валеры Стасюкевіч, каб узяць тлумачэньне па справе інтэрнэт-газэты “Пагоня”. Міліцыянт патлумачыў, што інакш знайсьці журналіста ня мог.
Міліцыя знайшла ў Беларусі цела дырэктара “Українських Новин” Міхаіла Каламійца, зьніклага ў канцы кастрычніка. Пра гэта паведаміла ў панядзелак агенцтва «Українськие Новины» са спасылкай на начальніка дэпартамэнту крымінальнага вышуку Міністэрства ўнутраных справаў Украіны Ўладзімера Еўдакімава.
Паводле ягоных словаў, сьледзтва мяркуе, што Каламіец скончыў жыцьцё самагубствам. Еўдакімаў не распавёў пра іншыя дэталі здарэньня і адзначыў, што зараз міліцыя займаецца арганізацыяй транспартыроўкі цела журналіста на Ўкраіну.
Замежнае прадпрыемства “Вітэлла” (Віцебск) зьбіраецца ў аўторак падаць зыскавую заяву супраць ЗАТ “Общенациональное телевидение” (ОНТ). Пра гэта паведаміў “Медиафакту” выконваючы абавязкі дырэктара ЗП “Вітэлла” Міхаіл Чачанёў.
Беларускі зьвяз турыстычных арганізацыяў выказвае “скрайнюю закляпочанасьць зьменай дзяржавы да палітыкі разьвіцьця турызму ў Беларусі”. Як адзначаецца ў заяве, прынятай праўленьнем зьвязу, пацьверджаньнем таму служыць указ кіраўніка Беларусі ад 30 верасьня 2002 году, які вызначае новы парадак налічэньня арэнднай платы з суб’ектаў гаспадараньня краіны, перадае БелаПАН.
Гэты год у Менскай вобласьці азмрочаны сумнай статыстыкай: 41 чалавек загінуў на вытворчасьці і 107 атрымалі цяжкія траўмы. Найбольшыя страты панесьлі сельскія работнікі – 19 чалавек не вярнуліся з працы, 41 - цяжка траўміраваны. На думку начальніка Менскага абласнога ўпраўленьня Камітэту па інспэкцыі працы Валеры Пурко, асноўныя прычыны – асабістая неасьцярожнасьць, адсутнасьць патрэбнага інструктажу і бясьпечных умоваў працы.
18 лістапада наяўны курс даляра ЗША дасягнуў адзнакі 1.923 рубля. Гэта на 3 рублі вышэй, чым верхняя мяжа гадавога прагнозу Нацыянальнага банка для афіцыйнага курса даляра, які ў сваю чаргу, пакуль яшчэ ніжэй за 1.900 рублей.
У Беларусі ідзе падпіска на газэты й часопісы на першае паўгодзьдзе 2003 году. Акрамя мясцовых у каталогі ўключаныя выданьні 16 краін блізкага і далёкага замежжа (Расеі, ЗША, Вялікабрытаніі, Літвы, Францыі, Славакіі, Нямеччыны, Казахстану, Японіі і іншых). У параўнаньні з першым паўгодзьдзем сёлетнега году кошт беларускіх і асабліва замежных друкаваных СМІ істотна павялічыўся, паведамляе БелаПАН.
Чацьвёра падсудных абвінавачваюцца ў распальваньні расавай і нацыянальнай варожасьці, а таксама разбойным нападзе на пяцёх грамадзян Непалу, Лівану і Індзіі.
, iнформэр
