Рост курса даляра пераўзышоў прагноз :: Хартыя'97 :: Навiны

18 лістапада наяўны курс даляра ЗША дасягнуў адзнакі 1.923 рубля. Гэта на 3 рублі вышэй, чым верхняя мяжа гадавога прагнозу Нацыянальнага банка для афіцыйнага курса даляра, які ў сваю чаргу, пакуль яшчэ ніжэй за 1.900 рублей.

На мінулым тыдні (11-17 лістапада) курс даляра да рубля вырас на ўсіх сэгментах валютнага рынка, перадае БелаПАН. На таргах Беларускай валютна-фондавай біржы даляр падаражэў на 0,2 адсоткі (з 1.888 да 1.892 рублёў). Біржавы курс расейскага рубля павялічыўся на 0,1 адсоткі (з 59,42 да 59,45), эўра - на 1,1 (з 1.880 да 1.901). На ўнутраным пазабіржавым безнаяўным рынку курс даляру падвысіўся на 0,3 адсоткі (з 1.890-1.895 да 1.895-1.900 рублёў). На “чорным” наяўным рынку катыроўка амэрыканскай валюты па выніках тыдня павялічылася на 0,7 адсоткі (курс пакупкі вырас з 1.880-1.895 да 1.895-1.905 рублёў, продажу - з 1.900-1.905 да 1.915-1.920). У абменных пунктах камэрцыйных банкаў курс даляра вырас таксама на 0,7 адсоткі (курс пакупкі падвысіўся з 1.870-1.890 да 1.880-1.905 рублёў, курс продажу - з 1.895-1.910 да 1.910-1.920). З 1 па 17 лістапада біржавы курс даляра вырас на 0,4 адсоткі, банкаўскі наяўны - на 1,1, “чорны” наяўны - на 1, пазабіржавы безнаяўны - на 0,3. Афіцыйны курс даляра да расейскага рубля, вызначаны Цэнтральным банкам РФ, па выніках мінулага тыдня павялічыўся на 0,1 адсоткі (з 31,7756 да 31,8225 рублі), з пачатку месяца - на 0,3 адсоткі. Курс беларускага рубля да расейскага зьнізіўся за тыдзень на 0,1 адсоткі (з 16,7752 да 16,7584 расейскага рубля за 1.000 беларускіх), з пачатку месяца - вырас на 0,1 адсоткі. У пераліку па крос-курсу катыроўка даляра да беларускага рубля падвысілася за тыдзень на 0,2 адсоткі (з 1.894,2 да 1.898,9), з пачатку месяца - таксама на 0,2 адсоткі.