Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Цела Каламійца знойдзена ў лесапаркавай зоне пад Маладэчна 13:29, 19/11/2002
Цела ўкраінскага журналіста Міхаіла Каламійца было знойдзена супрацоўнікамі беларускай міліцыі ў лесапаркавай зоне пад Маладэчна. Пра гэта “Медиафакту” паведаміў у аўторак прэсавы сакратар МУС Зьміцер Партон.
Паводле яго, у дадзеным выпадку не выключаецца факт самазабойства, бо журналіст быў знойдзены павешаным. На дадзены момант для апазнаньня цела з Кіеву ў Менск выкліканыя маці і сяброўка журналіста, якія прыкладна сёньня павінны прыбыць у беларускую сталіцу. Партон падкрэсліў, што “сьледчыя органы не распаўсюджваюць падрабязную інфармацыю па дадзеным факце, бо пакуль асоба знойдзенага нявысьветленая, пры сабе ніякіх дакумэнтаў ён ня меў”. Між тым, паводле словаў прэсавага сакратара, супрацоўнікі міліцыі “на 90 адсоткаў упэўненыя, што знойдзена цела менавіта Каламійца”. “Яго ўдалося распазнаць па дакумэнтах, пакінутых у маладэчанскім гатэлі, дзе ён зарэгістраваўся, таксама па вопратцы, якая была на ім”, -- сказаў Партон.
