Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Расея паставіла больш за ўсё нафты Нямеччыне, Італіі, Нідэрляндам і Польшчы 10:29, 20/11/2002
Экспарт нафты з Расеі ў студзені-верасьні 2002 году склаў 138,67 млн. тон, што на 15% (на 18,1 млн. тон) больш за аналягічны паказчык мінулага году, перадае "Интерфакс".
Выручка за экспартныя пастаўкі за дзевяць месяцаў сёлетняга году вырасла на 3% (на 704 млн. даляраў) і склала 20,657 млрд. даляраў. Найбольшыя аб’ёмы сыравіны былі пастаўленыя з РФ у Нямеччыну (14,79 млн. тон), Італію (13,89 млн. тон), Нідэрлянды (12,67 млн. тон) і Польшчу (11,4 млн. тон). У краіны СНД у студзені-верасьні было вывезена звыш 23,6 млн. тон нафты на суму 2 млрд. 334,68 млн. даляраў. Пры гэтым экспарт сыравіны на Ўкраіну і ў Беларусь склаў 11,7 і 10,1 млн. тон (адпаведна на 1 млрд. 219,899 млн. даляраў і 976,19 млн. даляраў). Аб`ём экспартных паставак нафты з Расеі ў верасьні 2002 склаў 17,18 млн. тон на суму 3 млрд. 48,9 млн. даляраў, у тым ліку: у краіны далёкага замежжа і Балтыкі - 14,5 млн. тон на суму 2 млрд. 669,68 млн. даляраў, СНД - 2,64 млн. тон (379,23 млн. даляраў).
