Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Аляксандар Лукашэнка прыбудзе ў Расею з працоўным візытам 27 лістапада. Пра гэта РІА "Новости" паведаміў у чацьвер намесьнік кіраўніка адміністрацыі расейскага прэзыдэнта Сяргей Прыходзька. Паводле ягоных словаў, сустрэча Ўладзімера Пуціна і Аляксандра Лукашэнкі адбудзецца ў дзяржаўнай рэзыдэнцыі «Валынскае» ў бліжнім Падмаскоўі.
Беларусь плянуе прыняць удзел у саміце міністраў замежных справаў дзяржаваў АБСЭ, які адбудзецца 6-7 сьнежня ў Порта (Партугалія). Пра гэта, адказваючы на пытаньні журналістаў у чацьвер у Менску, заявіў начальнік упраўленьня інфармацыі, прэсавы сакратар беларускага замежнапалітычнага ведамства Павал Латушка.
Магілёўская міжгарнізонная вайсковая пракуратура распачала крымінальную справу па факту самазабойства вайсковага камісара Магілёўскай вобласьці Аляксандра Конева. Як паведамляе “Медиафакт”, Конеў выкінуўся ў сераду з вакна сёмага паверху аднаго з корпусаў мэдсанчасткі вытворчага аб’яднаньня “Хімвалакно”. У праваахоўчых органах вобласьці ўдакладнілі, што на дадзены момант у рамках расьсьледаваньня праводзіцца судмэдэкспэртыза.
Крымінальная справа, распачатая крымінальным вышукам МУС Беларусі па факту зьнікненьня дырэктара інфармацыйнага агенцтва “Украiнськi новины” Міхаіла Каламійца, закрытая. Пра гэта паведаміў “Медиафакту” ў чацьвер першы намесьнік начальніка галоўнага ўпраўленьня крымінальнага вышуку МУС Ігар Леановіч.
Судовыя слуханьні па справе члена верхняй палаты беларускага «парлямэнту», былога начальніка Беларускай чыгункі (БЧ) Віктара Рахманько, якія праходзяць у Вярхоўным судзе рэспублікі, перанесеныя на 22 лістапада. Прычынай пераносу даты паседжаньня стала няяўка па хваробе двух падсудных – дырэктара Палесскага экалягічнага запаведніку Мікалая Варанецкага і пэнсіянэра Ўладзімера Запаранкі.
Дакумэнтальны фільм польскай тэлевізіі аб закрытай уладамі гарадзенскай недзяржаўнай газэце «Пагоня» атрымаў прыз на міжнародным конкурсе “Press Freedom Award 2002”. Фільм журналіста Беластоцкай тэлевізіі Ежы Каліны “ПАГОНЯ за праўдай” быў прысьвечаны закрыцьцю недзяржаўнай газэты «Пагоня» і судоваму працэсу над яе журналістамі Паўлам Мажэйкам і Мікалаем Маркевічам.
Беларусь займае 151-ае месца па ступені эканамічнай свабоды. Такі вынік дасьледаваньня, праведзенага арганізацыяй “Heritage Foundation” сумесна з газэтай “Wall Street Journal”. Вынікі былі апублікаваныя 13 лістапада на афіцыйным інтэрнэт-сайце “Heritage Foundation”.
Я веру 13:09, 21/11/2002, З гэтага матэрыялу мы пачынаем публікацыю на нашым сайце матэрыялаў газэты “ЗУБР”
З моманту выбараў прэзыдэнта прайшло ўжо больш за год. Шмат здарылася ў краіне, шмат адбылося ў самім руху – але ўсё адно ў размовах з сябрамі ўвесь час вяртаешся да адной і той самай тэмы: што рабіць далей?
Фрунзенскі суд Менску фактычна пагадзіўся з вэрсіяй аб гвалтоўным характары гэтага зьнікнення і далучыў да матэрыялаў справы дакумэнты, якія раней судамі да зьвестак не прымаліся.
Замежнапалітычныя ведамствы Францыі й Швэцыі заявілі пра намер захоўваць рашэньне, прынятае 19 лістапада ў Брусэлі краінамі Эўразьвязу. Нагадаем, -- міністры замежных справаў 14 краін ЭЗ забаранілі ўезд на тэрыторыю іх дзяржавы васьмі членам беларускага кіраўніцтва, уключна з Аляксандрам Лукашэнкам.
Як паведамляе "Интерфакс"прэзыдэнт Чэхіі Вацлаў Гавэл пракамэнтаваў факт нявыдачы чэскай уязной візы Аляксандру Лукашэнку. Вацлаў Гавэл заявіў, што гэта варта разглядаць як “рэакцыю на аўтарытарныя мэтады беларускага кіраўніцтва”.
Як акт непрыхаванага ўціску на суверэнную дзяржаву разглядае МЗС Беларусі вынясеньне на Раду ЭЗ пытаньня аб абмежаваньні ў выдачы візаў высокапастаўленым асобам краіны, у тым ліку і Аляксандру Лукашэнку. Так пракамэнтаваў журналістам у Менску прэсавы сакратар МЗС Беларусі Павал Латушка рашэньне Рады міністраў ЭЗ аб забароне на ўезд у 14 краін ЭЗ прадстаўнікам беларускага кіраўніцтва. Паводле ягоных словаў, гэты акт накіраваны “на адраджэньне небясьпечнай тактыкі вырашэньня палітычных праблемаў з пазыцыі сілы”.
20 лістапада ў Беларусі сваякі дырэктара інфармацыйнага агенцтва “Украинские новости” Міхаіла Каламійца апазналі яго цела. Пасьля адпаведнага афармленьня дакумэнтаў цела будзе перавезенае ў Кіеў для пахаваньня.
У Маскве прайшло паседжаньне Камісіі Парлямэнцкага сходу “саюзу” Расеі й Беларусі па бясьпецы, абароне і барацьбе з злачыннасьцю. Абмяркоўваліся пытаньні дзейнасьці рэгіянальнай групоўкі войскаў Беларусі й Расеі. На гэтыя мэты зь бюджэту “саюзнае дзяржавы” выдаткавана 63,5 мільёны расейскіх рублёў.
Дзяржсакратар “саюзнае дзяржавы” Расеі й Беларусі Павал Барадзін прыедзе ў чацьвер, 21 лістапада, у Менск для сустрэчы з Аляксандрам Лукашэнкам. Як паведамілі РІА "Новости" ў дэпартамэнце інфармацыі Сталага камітэту (СД), напярэдадні Барадзін правёў у Маскве рабочую нараду, дзе абмяркоўваліся пытаньні павесткі дня чарговага паседжаньня саюзнага савету міністраў 10 сьнежня ў Маскве. Размова, у прыватнасьці, ішла аб выкананьні бюджэту СД сёлетняга году і працы над праектам “саюзнага” бюджэту на 2003 год.
У Беларусі ў кастрычніку адбылося зьніжэньне інвэстыцыйнай актыўнасьці. Паводле дадзеных прэсавай службы Мінэканомкі, пры сталай станоўчай дынаміцы інвэстыцыяў у асноўны капітал тэмп росту іх аб’ёму ў студзені-кастрычніку сёлетнега году склаў 105,2% да аналягічнага пэрыяду 2001 г. пры прагнозе на год – 106-107%.
Згодна паведамленьню Амбасады Рэспублікі Беларусь у Літоўскай Рэспубліцы, урад Літвы ў аднабаковым парадку павялічыў з 16 лістапада 2002 года стаўкі збораў за выдачу візаў. Устаноўленыя наступныя стаўкі збораў: аднаразовай – 20 эўра (раней 15 дал.ЗША), адмысловай – 60 эўра (раней 50 дал.ЗША), транзытнай – 10 эўра (раней 8 дал. ЗША), групавой – 15 эўра з кожнага чалавека (раней 10 дал.ЗША). Пра гэта паведаміў на брыфінгу прэс-сакратар МЗС Беларусі Павал Латушка. Беларускі бок намерваеца прымяніць адэкватныя меры на прынцыпе ўзаемнасьці адносна выдачы візаў літоўскім грамадзянам.
У канцы кастрычніка сталі вядомымі вынікі разьвіцьця замежнага гандлю Беларусі за 8 месяцаў. Доля экспарту тавараў у Расею зноў апусьцілася ніжэй за 50-адсоткавую адзнаку. Старыя “балячкі” былі ў выглядзе цэнавых дысбалянсаў, бартэра і скарачэньня экспарту чыста беларускіх тавараў з высокай доляй даданай вартасьці.
Падрыхтаваны праект пастановы Савету міністраў аб абмежаваньні ўвозу пэўных групаў расейскіх харчовых тавараў. Буйнейшыя пастаўшчыкі мяркуюць, што будуць пралянгіраваныя абмежаваньні на ўвоз расейскай мукі, тэрмін якіх сышоў 1 верасьня. Акрамя таго, паводле інфармацыі “Белорусской газеты”, упершыню складзены сьпіс крупаў, на імпарт якіх таксама будуць уведзеныя абмежаваньні або забароняць увозіць наагул. Кошты на грэцкія крупы, адну з улічаных груп, ужо вырасьлі ў паўтара разы.
ААТ “Газпром” лічыць магчымым канвэртыраваць частку пазык Беларусі ў акцыі беларускага прадпрыемства “Белтрансгаз”. Пра гэта паведаміў сёньня журналістам намесьнік старшыні праўленьня "Газпрома" Аляксандар Разанаў, пры гэтым ён адзначыў, што "Газпром" зацікаўлены ў прыватызацыі гэтай кампаніі.
Акцыі буйнейшых беларускіх прадпрыемстваў, такіх як “Белшина”, “Азот”, “Химволокно”, “Нафтан” і “Палімір” у абмен на прыватызацыйныя чэкі “Маёмасьць” прадавацца прыватным асобам ня будуць, “а будуць чакаць буйных інвэстараў”. Пра гэта, як перадае карэспандэнт РІА "Новости", паведаміў напярэдадні журналістам старшыня камітэту па каштоўных паперах пры ўрадзе Беларусі Валянцін Шухно.
Да стварэньня сумеснага з "Газпромом" газатранспартнага прадпрыемства “Белтрансгаз” плянуе цалкам разьлічыцца з пазыкамі за расейскі газ. Пра гэта паведаміў у сераду беларускім парлямэнтарам намесьнік міністра энэргетыкі Беларусі Эдуард Таўпінец.
Летась на сустрэчы Аляксандра Лукашэнкі з прадстаўнікамі дзелавых колаў была дасягнутая дамоўленасьць аб магчымым зьніжэньні арэнднай платы. Рэалізацыяй гэтага пагадненьня стаў указ прэзыдэнта N495 аб удасканаленьні парадку вызначэньня платы за арэндуемыя памяшканьні. Адначасова з увядзеньнем паніжаючых каэфіцыэнтаў для прадпрыемстваў розьнічнага гандлю, агульнага харчаваньня, бытавога абслугоўваньня і іншых - ігорны бізнэс, рыэлтарскія і турыстычныя паслугі былі аднесеныя да высокарэнтабельных прадпрыемстваў, для якіх дакумэнт прадугледжвае павышаючыя каэфіцыэнты ад 1,5 да 20 да базавай стаўкі арэнднай платы. У заяве Беларускага зьвязу турыстычных арганізацыяў, распаўсюджанай у мінулы аўторак, сказана, што новыя стаўкі за арэнду павялічаць сабекошт тураў для беларускіх кампаніяў і практычна цалкам пераарыентуюць турысцкі паток зь Беларусі ў Расею.
11 лістапада супрацоўнікамі ўпраўленьня Камітэту па барацьбе з арганізаванай злачыннасьцю і карупцыяй МУС на транспарце затрыманы дырэктар рэклямна-вытворчага прыватнага ўнітарнага прадпрыемства “АлВіт”. Паводле артыкула за “вымагальніцтва, зьдзейсьненае арганізаванай групай з пагрозай прымяненьня гвалту” распачатая крымінальная справа.
Больш за сотню варыянтаў гімну “саюзу” Расеі й Беларусі паступіла ў конкурсную камісію, паведаміў прэсавы сакратар дзяржасакратара “саюзнае дзяржавы” Іван Макушок. Паводле ягоных словаў, многія аўтары вершаў і музыкі гімну – вядомыя ў Расеі й Беларусі паэты і кампазытары. Сярод выканаўцаў Макушок вылучыў расейскіх сьпевакоў Мікалая Баскава і Льва Лешчанку.
, iнформэр
